2017年12月31日 星期日

人生那有老馮..... 匆以一得為喜, 匆以一失為憂,

各位, 在2017年就快終結之際, 世界各國央行主導的量化寬鬆經濟大環境, 很快也曲終人散了. 

多年來, 老美督數督到咁多水浸銀紙出來, 真係神乎其技, 令世人嘆為觀止, 怪唔得佢地有咁多諾貝爾獎級數的經濟學家. 

我JJ就以"人生那有老馮", 來勉勵大家, 人生根本就是在跌跌碰碰中, 尋覓出路啊! "得"不是必然, 所以不用狂喜, "失"也不是長久籠罩我們, 所以也不用情緒過度失落啊!

若果明天是個問號時, 那...... 就讓我們今天活得有意義和價值了. 明天是新年, 大家新年快樂, 好好掌握今天.

2017年12月30日 星期六

人心裡怎樣, 他們的人生也會怎樣

我泥度好凍呀, 凍到現在上午9時半, 外邊下著微雪, 但仍然得-20C, 相信這個情況會再維持多10日, 即是前後會咁凍法凍2個星期. 有個說法, 現在我泥度, 比北極圈內還要凍.

有時, 我真是不相信自己沒有神的恩典和保守, 我買了出租物業這般多年, 這些年都是氣溫不像現今的凍, 除了1993, 1998, 2009, 2015這4年, 不過, 好似咁凍法, 都只會凍2-3晚, 日頭還有-15以上. 現在卻凍2個星期, 晚上凍到-30, 就未試過咁. 現在賣出了, 以前作為房東, 在這些寒冷日子裡, 要常常去巡視物業, 尤其夜裡, 更加要去確保一切門窗暖氣正常, 有時真是感到有點危險; 而寒冷冬天過後的春天裡, 更是大維修的工作開始時.

以前, 有教友不服氣來指責我這樣說"我真是不相信自己沒有神的恩典和保守", 這個, 怎樣可以咁來怪責我呢? 每個人的情況都不一樣, 當然神給與的恩典都不一樣呢, 問題出在, 我能見到神在我身上的恩典, 而這些人卻見不到神如何在他們不同人生和處境裡, 章顯祂慈愛的恩典. 

多年過後, 我和這些人的差距卻是十分巨大的, 我心裡充滿無限的喜樂, 人生只會向前看, 憧憬著更美好的明天, 這些人卻每天活在抱怨和投訴當中, 悲哀地過著人生每一天的時刻, 對他自己和身邊的親人, 無益於事, 也無益於人, 可憐呀!

PS: 這些人, 連我著的衫, 都可以來投訴, 難道我要著到衣衫藍褸, 這才叫做屬靈嗎? 我知道我著任何衫, 都著得好睇, 但也不能誤會我只著名牌, 實質我沒有名牌. 

看到他們怎樣來面對我這個不相干的人, 就知道他們家裡的親人, 會係如何的痛苦了. 如果他們家裡總是充滿著各種各樣的矛盾, 衝突和苦惱, 我就真係唔會意外了, 已經在預料之內.

2017年12月29日 星期五

呵呵呵, 我JJ點會俾人偷橋?

哈哈哈, 最近有朋友來同我講, 近排有套港產片, 裡邊個主角造型, 好像在講我喎..... 

我就問朋友借佢隻碟, 來昅昅這套有點咸水味的黑色諷刺劇"西謊極落之太爆太子太空艙", 裡邊劇情以香港這個被眾多謊言美化成"語言藝術"的荒謬都市為背境, 在這裡要騙得到別人, 先要騙到自己. 講個主角呢, 係這繁華都市的一個貧困角落, 住在一個比劏房更不人道的「太空艙」, 在這些六呎X四呎的棺材式住宅中, 跟一班快要連自己也騙不下去的人同住. 主角係網上是人氣爆燈的樓市評論家,但在現實中, 卻是欠負累累,屋租也交不起的網路打手,為了省錢還債,呃女友話自己去紐約實習,實情是搬到「太空艙」,在網上裝著「紐約客」過生活,主角卻在這個環境惡劣的「太空艙」中認識更多「太空人」. 

嗱嗱嗱嗱..... 我JJ一向只講股市, 莫講樓市, 連債市我都唔講, 更不會預測走勢, 也不會預測目標價位, 因為這些全不是我講財經的用意, 我只想同人講, 乜野係真正的人生財富, 怎樣去揀條人生道路, 去使生命更豐盛, 更有著意義. 

咁耐, 我都只是出來見過2個在網上認識的香港朋友仔, 2007年時, 第一個朋友仔十分懊悔地說, 匯豐當時升到百幾蚊, 但他卻在百元時賣了, 問我怎辦? 我笑住答佢, 如要百元再買回, 大把機會. 嗱嗱嗱嗱, 我無做預言家咖, 我只是認知到當時過高的水位咋. 2015年時, 跟別位朋友仔出來飲茶, 當時連股票都無講, 只講點樣用口係手機度嗡去邊度行山, 由手機帶路. 

如果我無記錯, 我習慣出錢請朋友仔的, 不會俾朋友仔破費啊!  所以, 大家不用來問我現在係邊處了, 不會在香港啊! 就算我現在係香港, 有時間都會用來陪屋企人啊! 人年紀大了後, 陪屋企人的機會越來越少. 

PS: 真是懷疑著, 以前見過的朋友仔中, 有人在搜集故事資料.



2017年12月28日 星期四

在虛擬貨幣狂升下

我就一定唔會埋堆了, 因為第一我唔識, 第二我唔覺得好玩, 第三被取替或監管只是遲早的事.

不過, 既然D人錢多到唔知點投資, 胡亂來投資, 即是有好多基金佬手頭上, 有好多客戶的錢, 會用來作風險投資.

其實, 我一向都係度慢慢入緊一些高風險的細藥廠股票, 因為這些人是有心做好盤生意, 有心做些野出來惠及全世界的病人, 我就覺得, 與其做些無聊事如買虛擬貨幣, 倒不如買這些細藥廠股票, 最少這些人心中有個善意嘛.

PS: 多年前, 我跟人說沙士病毒很有醫藥價值, 但當時人人都以為我發嗡風, 我現在投資緊一隻細藥廠, 係用冠狀病毒的抗體, 來醫夷島素過多的病人. 那些年的沙士病人康復後, 出現骨枯的現像, 其實正因為這些冠狀病毒抗體, 阻礙著某些人體賀爾蒙吸收嘛! 現在要解決的, 是怎樣控制劑量和藥力發放速度.

2017年12月27日 星期三

人生無處不歡顏

最近有朋友問我, 人生最大的財富是什麼? 

哈哈哈, 我就立刻脫口一句, 人生無處不歡顏......

有人要花千萬才買到歡樂, 但如果有人, 無論身在何處何境況, 都能歡笑著, 這個當然就是財富了.

我每次回港, 都會吃一次只有香港特色的東西, 魚蛋粉啦, 肥姐老水啦, 妹記魚腩粥啦..... 藥膳拉麵, 魚湯淥油菜..... 葡撻..... 好多好多..... 

還有一樣, 就係格仔餅, 有朋友問我, 外國無格仔餅食咩..... 其實係有, 不過, 無香港果D咁好味呀, 香港果D裡頭D花生醬係開稀左之後, 再加左D芝麻醬係裡頭, 再加煉奶播, 外國果D係加左D好杰的花生醬和牛油, 好劑咖喎. 

不過, 回港時, 這些東西每樣食一次, 都足夠令我爆標, 所以, 每食一次時, 都要十分珍惜那一次的感覺和味道...... 

所以, 人生到最後, 珍惜仍是歡笑的最基本起點, 沒有珍惜, 沒有重視, 人生何來歡笑呢? 人生何來財富呢?

2017年12月26日 星期二

財富.....

前幾排, 聽溫哥華的朋友講開佢地間屋又升左幾多錢.

不過, 我真是不忍心打破佢地美夢...... 並不是因為我會懂得預測樓市走向, 而是我知道, 我這些朋友每年要俾高昂的物業稅(基於物業市價來定的物業稅, 物業市價越高, 俾得越金), 再加上, 任何投資中介評估這些朋友個人值幾多錢時, 是不會計他們住緊的物業啊.

前幾年, 我手癢, 走去叫個投資中介朋友, 評估一下我值幾多錢, 佢初頭都唔確認我D出租物業應該點計(我一直都唔係住係出租業物裡), 因為佢睇的, 係我的 LIQUIDITY, 即係可以立即動用到的財產嘛! 就唔係市價減按揭咁計法了, 最後, 佢打去問二按公司, 話如果我攞我D物業去二按, 48小時內可以按到幾多, 得出來的二按數目, 再扣多20%, 才計入我個人的資產裡. 

嘩..... 所以大家計自己值幾多錢時, 唔好太樂觀, 原來金融機構裡的計法, 同我地一廂情願的計法, 相差好遠.

2017年12月25日 星期一

今年聖誕節真是不一樣呀!

我這裡今年天氣提早寒冷, 而且還是勁嚴寒得很. 平常往年現在零下2-3度, 今年卻是零下廿多度, 聖誕過後, 就更寒冷了. 

今年商場如往年一般, 未到聖誕, 商場裡不停播著歌曲唱著"LET IT SNOW, LET IT SNOW..... , 今年這些商場應該會後悔了, 因為大雪和冰雨令很多人都摺埋係屋企, 除了返工外, 都不會外出消費, 今年消費市道應該比往了差很多. 

還有, 今年老美當奴友的單邊外交政策開勁馬力, 衝過了老美國會的阻力, 成為了現行的政策和法例. 不說遠在亞太的香港和深圳, 近在美國旁邊的加拿大, 下一年將會首當其衝, 正當美國財金分析師都唱好美國來年經濟和消費時, 加拿大卻要看著相反的數據來發愁著.  

當然, 很多加拿大人都為到來年不容樂觀的經濟大環境而盤算著時, 我都係坐在同一條船之上, 並不能幸免而感到沾沾自喜. 最壞打算, 來年我的秘撈可能沒有了, 正職可能被凍薪了, 又或可能給我個PACKAGE, 叫我早早回家休息了(這個其實係中正我下懷咖, 如果係咁, 真係開心死我了, 格格格)

呵呵呵....... 所以, 我都係果句...... "匆以一得為喜, 匆以一失為悲, 人生那有老馮? " 無得撈時, 我就學孔子, 去週遊烈國.....

2017年12月24日 星期日

各位聖誕快樂

我每年都係聖誕前, 我都向不同機構來認捐......  紅十字會, 心臟中風基金和幾間我家常去的醫院. 

今年很多人無飯開了, 嗚嗚嗚, 我就加多左捐去食物銀行, 唉, 都係杯水車薪呢, 略盡點心意, 好使自己在過聖誕時, 心裡過得舒服一點囉!

現在美加貿易協定談判緊, 聽說不單在高層次的原則問題上, 兩國針鋒相對, 而且還在乳奶/汽車工業/能源上, 同樣都係嗌交嗌到火紅火綠, 看來下年會有更多人無飯開呀.

2017年12月23日 星期六

投資.....

其實, 投資這家野呢,有些人喜歡BUY LOW SELL HIGH, 所以他們就每日係個市裡頭咪少少, 變成即日鮮, 我就喜歡睇大環境, 著重大佈局, 務求投資成份跟自己的人生方向和年齡相配. 

年紀輕時, 唔需要理咁多風險, 因為體力好精神又上佳, 一個屈尾十, 就可以番番轉頭再玩過, 但年紀大了, 個人回氣慢左, 就不能不理投資風險了, 隨著年齡上升, 個人抗投資風險的能耐, 都不斷在降低了. 仲有..... 有份正職就不能每個鐘睇住個市, 即日鮮由一開始我行第一步, 就已經絕緣了. 

投資組合? 現金和股票對比? 我一向都唔睇債市, 因為我錢太少, 玩唔到這些高難度動作, 所以到現在我只沾手股票. 見到當奴友係電視上大聲夾惡個款, 我就唔想再增持貨仔了. 以前, 有人講當奴友係個市的禍水, 佢上台, 個市會大跌, 聲知個市就升足一年. (當時更有人講佢已經在當奴友當選之前, 佈署好一切, 不知道今天他如何...... ) 我現在自己喜歡保留多少少的現金, 唔入市住, 因為我覺得, 當奴友有如老董, 講話天下第一, 到做時, 佢同老董都試過公司破產收場, 有時這些商家佬係度豪賭咖.


2017年12月22日 星期五

為何我咁耐都唔寫財經?

皆因為老美黑仔上台後, 佢唔俾個市 FREE FALL, 就推出 QE 到 QE3(係呀, 已經前後3鑊了, 這個簡直係損人不利已的做法), 橫掂都知道個市唔會跌, 但又唔知道個市升到去邊, 又唔知道佢地幾時停 QE, 所以係咁樣的長官意志操控個市下, 我寫財經來都無用啦!

當時我已經同人講, 求其 HOLD 住現有的 POSITION, 等到老美唔再係個市上邊上下其手, 才好去諗增持或減持...... 不過, 我這幾年都忍唔住, 不斷增持, 實在太誘感了.

轉眼又過左成10年了, 我寫財經都生疏哂, 才等到黑仔唔DO, 由大聲夾惡的當奴友上任, 明話要復興老美, 實質係度同佢幕後老闆係度略水. 我就知道老美由黑仔側重工農兵, 轉軚去明益大財主, 這個.... 我就手癢, 出來再寫財經了, 哈哈哈...... 

各位, 我這幾年為左準備賣我D出租物業(由2009年等到今年), 心思就放左係物業增值和稅務最大效益上, 橫掂股市都唔洗諗咁多...... 不過, 由現在開始, 我"重出江湖", 哈哈哈.....

2017年12月21日 星期四

度度百貨公司關門下

嗱嗱嗱, 今年明年將會有乜百貨公司摺埋門市部, 他們會是 瑞典的 H & M, 美國的 GAP 和 BANANA REPUBLIC, 出 hollister 的 運動服公司abercrombie & fitch, 

其他危危乎的, 有瑜伽服 UULEMON, 話唔希望設計衫褲俾有色人種著 的 TOMMY HILFIGER, 老牌老餅的 LEVIS, 專照顧老餅細佬的反斗玩具城......

因為好多人好似我咁, 轉左上網上買野, 只是, 我一定唔會係網上買衫褲, 因為我要試過才會買嘛. 

咁多公司的門市摺埋, 當然就會有好多人無得撈, 而且仲係低端的職位, 平時人工已經好低, 唔會有可能儲到錢, 一但咁大批人失業, 這班人的生計和未來, 將會是一個社會計時炸彈. 

總之, 這個聖誕節, 將會有很多人輾轉返側, 為未來生計而惶恐終日, 如果下年年初再有金融危機, 就會有更多公司用借口來炒人, 到時市況將會更差更慘.

2017年12月20日 星期三

凍得我騰騰震之下.

今年天氣好鬼凍呀, 又早凍又早落大雪, 明天還會落冰雨呢!

好多人講, 天氣咁凍, 打擊了很多人在聖誕前出外消費花錢的意慾, 會損害這裡經濟.

不過, 又唔一定喎, 原來, 我這裡魁北克近著美國東北部的巨大消費群,  這些消費者不用搭飛機, 揸車就可以來到魁北克. 咁..... 這些人來魁北克做乜? 原來係來滑雪, 仲係佢地可以週末來滑, 星期一回去上班, 唔洗千里滌滌搭飛機, 去到美國中部COLORADO山區咁遠來滑雪了. 

據統計, 這些過百萬人次的美國遊客, 一年為魁北克帶來數十億的外來經濟收益喎. 

PS: 我諗班友梗係前世未凍過, 特登揸車來嘆下我這裡鳥不生蛋的西北風了, 哈哈哈.....

2017年12月19日 星期二

金融風險指數

睇香港新聞, 無乜提及, 原來香港政府的新聞部門又幾把炮, 香港無乜報章提及.

原來, 香港是全球金融風險指數最高的地區, 其次是中國, 第三是新加坡, 第四卻是..... 加國......

噢...... 這四個地方有一個共同點, 就係有大量中國人居住...... 

唉..... 唔知道高樓價是否是個好消息?

最近我搭機經溫哥華, 我就同朋友提及我這裡當天零下6度, 溫哥華卻6C, 難怪咁多人由滿地可搬來溫哥華.

這朋友自嗚得意地說, 聽說我這裡滿地可樓價好低, 我心裡卻說, 誰人先上樓才是最重要, 溫哥華樓價咁高, 他的子女他日難以置業和就業, 更不用說能夠留在同一城市, 看護著年邁的父母, 高樓價其實是個壞消息呀.

想我自己, 最初不是滿地可樓價低, 我也不能在大學畢業後的10年裡, 能夠完成到更多的事情出來, 也不能留在滿地可, 照顧父母的需要. 

PS: 美國加息和減稅, 會否引起美企大量地從海外, 把資金搬回美國本土, 從而引發東亞金融風暴, 現在仍然眾說紛紛. 不過, 從最近日韓兩個對中國的外交態度180度改變下, 日韓兩個正為著下一波的金融風暴, 尋找定海神針. 現今的中國國力, 比1998年時, 又真係能夠起到決定性的作用.

不過, 都是那一句, 我們應該展望今次金融風暴後, 能夠帶給我們一些什麼的機遇. 哈哈哈, 不要懼怕, 世界的懷抱總是向著"經得起風浪"的人來擁抱著.

2017年12月18日 星期一

勤勞已經再不是肌肉上了, 是思想上, 是學習上, 是態度上......

今天星期日中午, 我住左加國咁多年, 終於有件奇怪事發生, 加國郵局竟然今天派郵包.

我星期五網上購物了, 出乎意料之外, 今天收到了, 是的, 星期日中午....., 這個在加國是差不多是不可能的事, 保守宗教人仕會出來指責, 這個令到人們不能參加星期日早上的宗教活動.

大約, 我這裡是無神論盛行的魁北克(或人們厭倦天主教過往的政教合一), 不是安省, 也不是中部西部, 所以郵局星期日派包果, 政治上少了很大的阻力.

但可以看到幾方面的啟示:

1. 華人一向賴以上位發圍的空間 - 勤勞, 正在不斷被時代所取代, 新來的華人移民, 如果不是腰纏金銀, 相信他們在加國向上游流動的機會, 將會少了很多很多. 在肌肉勤勞之外, 還要腦袋勤勞, 轉得夠快, 再不能躱在餐館或洗衣舖裡頭, 試圖閉門造車了.

2.  加國人們開始忽視宗教信仰, 一切以當前利益為依歸, 更不用指意他們會多加捐助有需要的人. 加國已經連續7年, 捐款數目和人數減少, 尤其這裡魁北克人, 是加國所有省份中最少捐錢, 只比原住民自治區高一點點而已.

3.回看自己, 相比其他移民來, 比較願意去做事, 順著加國的國策來做, 順著當時加國吹的風向, 來做事. 爬逆水, 只會事倍而功半. 例如, 在自動化和智能化的時代裡, 不要跟人鬥大力, 鬥大隻, 這樣只會辛苦了自己.

2017年12月17日 星期日

不斷充滿著感恩的心, 無論是自己, 還是別人.


前幾排, 加拿大 SEARS 百貨公司, 全部執笠, 大約有萬多人失業.

唉, D人臨聖誕節入冬前, 才來失業, 又真係好慘.

一向都認得一個在SEARS 做售貨員的黑人, 見佢係 SEARS 臨執笠前, 個人好頽下, 當然, 佢間公司執笠後無人工, 再加無哂在職保障, 包括醫療和傷亡保險. 

最近, 見番佢係別一間百貨公司上班, 不過, 佢面上多了很多暗瘡, 睇得出佢生活在壓力之中. 不過, 我都同佢講, 為他找到新工作有個新人生方向而高興.

PS: 我自己一向都很感恩, 感恩著自己人生大多都算順利, 不用等到見到別人活在重重壓力之中, 才懂得感恩. 也為到別人找到新的人生和工作而感恩, 始終現在加國搵食, 比以前艱難左好多.

2017年12月16日 星期六

澳門政府開支.

原來, 由澳門回歸之後, 澳門政府每年開支由百幾億, 升到現在千幾億了.

噢..... 乜唔係話現在澳門賭場生意不景嗎? 好多貴賓廳執笠嗎? 

我每次來澳門玩, 臨走前, 一定去十月初五街, 食番個咸魚蒸肉餅飯咖, 由回歸時$19, 升到現在$36呀(我記得咁清楚, 主要因為咸魚情未了呀, 哈哈哈) , 都係升左90%之嘛. 

當然, 以前葡國佬治下的澳門, 乜都唔做野, 不過, 現在又可能澳門政府做得太多了. 我上個月走左上大潭山昅野, 見到澳門起左好多野, 但我就懷疑邊處有人用咁多新設施? 

聽聞氹仔碼頭起到好大, 但好少人用, 鬼咩, 我這個加燦都係鐘意去外港碼頭多D, 貪佢多賭場免費巴士, 又可以去官也街食瑠槤大菜糕, 又可以去大碼路昅下D國內靚女, 又可以去我最喜歡的十月初五街食咸魚肉餅飯喎.

2017年12月15日 星期五

各位, 今期又到加息.

哈哈哈, 嗱嗱嗱..... 大家咪誤以為我講風涼說話, 講加息來嚇人.

其實, 我成日都同人講, 這個世代講加息, 一日唔打仗, D息都無可能加番到以前的高水平, 頂多加到3%-3.5%, 就已經好難再加.

第一原因, 就係低通漲啦, 咁低通漲, 無需要加息壓通漲, 攪不好, 驚住變通縮就慘了. 為何低通漲? 資訊科技和自動化, 帶來強大的生產力, 但人口老口, 又減低了人們消費的需要. 

第二, 環球水浸呀, 人人手上有錢, 但找不到出路, 放哂係一邊, 銀行啦, 床下底啦, 買金仔啦, 買比特幣啦..... 借貸供大過求, 息口點會升?

第三, 老美當奴友減稅呀, 已經水浸啦, 再減就更水浸, 而且老美政府減稅後就赤字更大, 加息就會令到佢地因為俾息而赤字更大, 佢地老虎蟹梗係唔加到D息咁高.

加到得個3-3.5%, 坳痕都唔會痛啦, 除非專炒磚頭唔還錢果班友, 就可能有問題, 照常理, 一早己經買左舊磚頭來自住, 又或保守地買磚頭來投資, 都應該唔洗驚咖!

PS: 不過呢, 大家唔好聽完我咁嗡之後, 下星期就去排隊買樓花呀, 我只係指果D一早已經入左市的朋友仔, 叫佢地唔洗驚. 現在就唔好再同人迫了, 無謂辛苦自己啦.

2017年12月14日 星期四

香港人看西人, 其中一個最大的錯誤.....

就係.....把所有西人, 都歸類做同一種人, 同一種文化, 同一種生活習慣, 同一種的價值觀.

其實呢, 西人當中, 其中不同西人之間的文化差異, 可以大到好似任何一種西人跟中國人般咁大咖.

尤其, 我地香港人睇番自己中國人, 其實係唔會太覺得中國人彼此間, 有好大的文化差異, 因為我地香港人本身上一輩, 大多係來自大江南北各地的中國人, 所以, 一直我地都唔覺有文化差異這家野嘛. 

所以, 大家會見到西人娶個中國女, 鬼妹會受唐人仔來結識, 甚至有些保守點的西人, 骨子裡總認為中國人同佢地岩傾D. 

所以, 大家如果見到, 有西人講佢係西人社會中好孤獨, 大家不要奇怪, 因為, 真係有好多唔同種族或文化的西人, 甚至有些西人頂唔順西人的社會, 做出一些傻事出來.

2017年12月12日 星期二

各位, 我做完要做的野, 返來了

哈哈哈, 這3個月, 有如狂風掃落葉, 話去就去到盡, 終於完成哂一切的目標, 再不用管我在正職和秘撈之外的事情了, 所以今年冬天, 我會過到....來加國後最舒服的一個冬天. 

慢慢等我去探大家吧, 心情還未定下來, 仲係好係衝峰陷陣咁呀! 哈哈哈..


2017年10月10日 星期二

都係係度少講錢的題目了.

大家好, 最近腦裡常常諗錢這個話題, 但我又唔想把這些話題放係li 度來講, 始終都是十分沉悶和觀點各異的話題.

為何一講到錢, 各人有各人的觀點? 其實好簡單咖咋, 當我講無老婆無仔女, 夠洗夠用, 就唔想再為錢煩, 有網友竟然說, 這個是他所想所望的人生.

其實, 我人生..... 都係好無奈變成咁樣,  偏偏我遇上一班混人, 就係咁, 我係這群人之中, 連拍拖的機會都無. 

最近見番這班混人, 這些人都沒有什麼改變, 依然故佢, 咁, 我也不用再理會這些人了.

自從我不婚之後, 我父母就好緊張我班侄仔侄女了, 一定要佢地唔好理咁多, 快快拍拖結婚了, 尤其唔好理人講乜, 自己人生要緊. 

不過, 我加左句同我班侄仔講,  就係叫佢地, 一定要搵個細佢地最少幾年的女朋友. 

想起我後生時, 時時俾同齡的女性叫我做老頑童, 因為我外表真係細佢地好多好多. 

最近, 我在這裡認識一些女網友, 細我十幾年的, 行出來個個都好似我家姐, 如果遇上同齡的, 佢地會好似我姑姐或阿姨咁. 所以, 我同我侄仔講, 一定唔可以搵個同佢地同齡的女朋友, 佢地後生的面孔, 一定會令對方十分不快, 一定會好麻煩的.

 

2017年9月21日 星期四

淺談.... 加國樓市......

前天有網友見我賣出租物業, 就來問我點睇加國樓市..... 

其實, 明天事, 明天才好說話, 今天實在難講明天的一切, 不過做好自己今天的事, 來因應自己明天和將來的需要, 是千古真言了. 

現在加國正同美國再傾自由貿易的條款, 加國經濟正處於分叉點, 如果美國貿易主要抬頭, 美加自由貿易告吹, 對加國經驗會影響巨大, 本地人的樓市或許會向下. 

只是, 溫哥華多倫多樓市, 一早已經脫離了本地人的樓市, 樓價高到, 本地人跟本買不起嘛, 所以, 溫哥華多倫多樓市不會因為加國經濟一下向下而大跌, 影響樓價的因素, 只會是外來的, 例如: 中國外匯管制, 香港人不再來加國等等..... 所以溫哥華多倫多樓市, 仍會繼續火紅一段時間, 幾耐? 我真係唔知了. 中國及亞太地區一天和平穩定, 經濟穩健向上, 溫哥華多倫多樓市都會繼續火紅囉.

講番加國本地人樓市, 我這裡滿地可, 就一定是百份百的本地人樓市了.  這幾年低息, 自住物業市場樓價都起了不少. 只是出租物業市場又不是太火旺, 主要因為高空置率, 因為很多優質租客因為低息而去買樓自住了. 不過, 隨著利息開始向上, 很多人因為供樓負擔開始加重, 就轉而賣樓來租屋住, 所以, 來緊的加息日子裡, 出租物業市場的高空置率, 將會有所改觀. 

在我租樓的經驗裡, 越是經濟差, 越是利息高, 越是有金融風暴, 我的出租物業就越是滿滿租齊出去. 尤其, 經濟向下, 人們擔心無左份工, 第一的想法, 就是賣了供緊的自住屋, 尤其這幾年樓價升左, 賣出有錢賺, 還有減少負債和風險, 有覺好訓了. 

我認為, 加國本地人自住樓市裡, 樓價己經又或快會見頂, 而出租物業樓價呢, 就會因應需求和租金的走向, 來決定了, 大約都是一條很悶很平, 升幅很少的線吧! 不能用自住樓市場來相比, 祈望也不能達到自住樓市場.


2017年9月20日 星期三

塵埃落定.... 自我因應, 自我減磅

沒有來出文咁耐, 實在抱歉了, 全因為每天心思都花在減磅過程中, 現在差唔多應該塵埃落定了, 只等買家的銀行批出按揭.

當然, 我減磅不是指減股票, 因為我現持有的股票, 99%都是可以跨過任何金融風暴而不會有風險的. 我減磅是指減持出租物業, 開始陸續賣出, 之後又會再賣出一些, 到賣清為止. 

我這些出租物業, 全都是包賺不賠錢的優質物業, 也是可以跨過任何金融風暴而不會有風險的好投資. 只是我人年歲開始大, 年青力壯的時間越來越少, 而我又無兒無女又無老婆, 就算俾我做成富翁, 都沒有意思嘛. 夠生活開支就算了.

我現在那份工, 本來都想唔DO了, 只是之後就太悶了, 呵呵呵..... 在我尋找到人生新方向之前, 我將就D, 繼續打落去, 直到老闆豉椒我為止囉. 哈哈哈....

PS: 如果我有仔有女, 我還不會賣這些出租物業, 因為這些出租物業將來會庇蔭到後人的, 30-40年後, 都會繼續錢生錢. 只是我無兒無女, 而我的侄仔侄女自少全是資優學生, 個個現在更用匪夷所思的語氣, 來拒絕我任何物質的饋送. 我侄仔只收下我父親的一隻舊手表, 當是對爺爺的思念.


2017年9月14日 星期四

美國打風有幾勁?

我親戚住在 FLORIDA 中部靠近墨西哥灣那一邊, 巨風 IRMA由FLORIDA南邊一直向北橫掃, 好彩在未到我親戚前, 巨風減弱了很多. 但首當其衝的FLORIDA最南邊的 KEYS 群島, 卻受到巨風重創. 

去片了.








2017年9月4日 星期一

為錢煩是乜野樣

為錢煩係乜野樣? 哈哈哈哈..... 我今天放假起身一照塊鏡, 就見到自己個款了. 噢..... 焦緒左播.....

之不過, 我又唔係為今天明天生活煩, 而是為到將來退休後幾十年後的生活而煩, 現在要做D十分決定性的決定, 將會影響日後退休生活囉.

我不會為到平日的小事而煩太多, 都不值得嘛, 只是現在的決定影響太大了, 有點幻得幻失的感覺, 這個真不好的.

真不好意思了, 沒有時間去大家度探大家吹下水, 十分抱歉, 不過, 事情可能好快就塵埃落地了. 到時一定到大家處暢談吹水, 現在只能有閒時, 才在這裡 UPDATE 自己的近況吧! 謝謝大家網友仔的體諒和關懷.

2017年8月31日 星期四

老年計劃.

我屋企行過去幾條街, 有間好爛好核突的屋, 好多年前係一對好老的華人夫婦住, 週不時佢地個仔回來探佢地, 不過, 近這幾年就發現間屋重門深鎖, D窗簾落哂來, 屋內不見天日, 但準時有人來剪屋外的草, 由上年開始, 屋門口貼了市政府的紙, 那時開始, 就知道屋主過左身好耐, 幾年後的今天才由市政府沒收了. 

最近由市政府交由經紀來賣, 嘩, 間屋一定要大修了, 話哂咁多年都無人住, 而且屋頂可能已經漏水漏左好耐了. 

其實, 美加這裡, 有好多中國人老來, 都會咁, 唔慣去住老人院, 厭中國人D老人院環境差, 由得自己住係間屋裡, 住到幾時就幾時了, 到死左就由由市政府沒收.

不過, 咁樣係好唔好的, 這些人沒有計劃將來, 照理賣左間屋, 就有錢去住好一點的老人院, 有人服侍, 有人睇住自己, 到過身後, 有人為自己打理身後事. 

所以, 人生計劃是十分重要, 唔好想唔通, 到頭來, 麻煩自己又唔跌錢.

2017年8月26日 星期六

做個老實人, 做好自己本份.

係咖, 其實, 人生就係咁咖咋, 老實做人, 也做好自己本份, 咁就得啦, 人生最後的得與失, 是自己控制不到的. 

真係話都唔信, 真係懷疑..... 有人, 佢現在身邊的人, 可能前世個個都欠左佢咁.

點講好呢, 話說好多年前, 我這裡唐人街有對父子開舖, 咁個老豆日做夜做, 個仔就日日去打機洗錢, 曾經有次個老豆同個仔講: "你就好啦, 我做咁耐都係得一舊水, 你打機咁快就無左一舊水了."

後來, 個仔係香港娶左個老婆返來, 看來個老婆好著緊個老公, 成日見佢來舖頭等個仔一齊收工. 只是, 這個做人仔做人老公的, 可能屈係唐人街太耐, 變得自暴自棄, 而且他們生活每況愈下, 舖頭無左, 又去商場買舖位重整旗鼓, 但遇著商場拍烏蠅, 連商場舖位都無左, 又偏偏中風. 現在行路拐拐下去街邊擺檔, 因為佢不良於行, D貨要靠佢老婆和女兒2個女人來搬來擺, 佢老豆七十幾歲人仍要出來打工.

其實照理, 人到這樣困境, 都會識想識諗, 為家人諗下, 但這個做人仔做人老公做人老豆的, 竟然拐拐下, 都要去賭場賭錢, 但係佢身邊的人, 仍然對佢不離不棄, 老豆無同佢脫離父子關係, 老婆無離他而去, 女兒無唔認佢. 

大家話啦, 有些人真係好似全世界人都欠佢咁咖喎...... 

最神奇, 佢又唔係高大靚仔喎. 

所以, 人生一切係整定, 最重要, 做好自己本份, 做個好人, 身邊的人點去對自己, 無法控制的, 整定的, 最重要問心無愧啦.

2017年8月25日 星期五

網絡世界下, 不開心事, 無遠弗届

早幾天香港打風, 有網友仔同我講, 佢父母年紀大, 不方便去買餸, 而佢前一日又太晏放工, 無去買餸, 打十號風球下, 佢屋企無哂野食. 

其實, 家陣嬰兒潮D人快老了, 而他們的父母就更老了, 所以我一聽到網友咁遭遇, 我心裡都好唔開心, 因為我父母都老了. 不過, 我還好, 我個人較積極進取, 雪櫃裡頭一定有1-2日食物, 就算即食麵都會夠食1-2日的. 

但是在網絡的地球村下, 遠方的人, 就像活在同一條村裡, 人家的事, 很容易令自己情緒低落. 


2017年8月22日 星期二

不能鼓勵別人做歪心事.

最近因為錢的事, 令到自己有點緊張, 其實, 生活在加國, 尤其魁省生活水平不高, 我現在已經夠食夠用了, 只是心煩著怕被人騙了. 

所以, 做人都係知足常樂, 但仍然不能去鼓勵別人心懷不軌, 總要令到這些人知難而不作歪心事, 令到人世間少些懷人, 好些守規舉的人.

2017年8月20日 星期日

企直腸, 無思量?

這個係老人家說的, 但老智慧不一定對的, 可能在古代營養不夠, 人不坐下來靜止, 身體就會不夠養份供大腦思考, 又或創意的思維不是因為身體靜止而發動. 

相反, 創意思維是在身體活動時, 血氣流動時, 才會發動起來.

所以, 常常不做運動的人, 他們抽象意念和創意思維是比較差少少的. 


2017年8月19日 星期六

敗家既地方, 竟然我這裡入流喎, 出奇!

敗家仔就成日都聽在耳邊, 但係現今男女平等嘛, 有敗家仔, 就必然有敗家女啦. 

嗱..... 嗱..... 嗱..... 嗱..... 嗱.....大家就一定知道敗家仔係邊度敗身家啦, 澳門賭場啦, 馬會投注站啦..... 咁, 敗家女去邊度敗家呢嗄.....?

現在俾十個答案大家.....

法國巴黎香榭麗舍大街

美國紐約第五大道

加拿大滿地可地下城

英國倫敦牛津街

新加坡烏節路

奧地利維也納克恩頓大街

日本東京都新宿大街

德國柏林庫弗斯坦達姆大街

韓國漢城市明洞大街

俄國莫斯科莫斯科市阿爾巴特大街


有乜理由滿地可入流咖? D野咁CHEAP咁渣喎, 噓....... 真係好想知道點條傻佬或傻婆寫咖喎. 這裡滿地可係加拿大肥佬肥婆共和國裡頭, 其中一個肥人城市來咖, 邊處有人會洗錢買衫咖?

2017年8月18日 星期五

我這裡滿地可又被評為首席美女之城.

噢, 我JJ生活在滿地可, 是否可以沾沾衫尾, 叫自己做靚仔呢嗄?

超過八萬多個社交媒體粉絲來評選,滿地可再一次被評爲“全世界擁有美女最多的城市”!

嗄..... 點選出來...... ? 是根據以下這10條問題來俾分, 由1到10分, 嘩, D問題唔只要外在美, 還有內在美都評埋.

-滿地可女孩們擁有超凡的國際範兒

-滿地可女孩們非常獨立自主

-滿地可女孩們懂得如何很好的照顧自己

-滿地可女孩們都受過良好的教育

-滿地可女孩們敢于做自己、彰顯與衆不同

-滿地可女孩們渴望成功
 

-滿地可女孩們懂得如何合作
 

-滿地可女孩們熱情似火

-滿地可女孩們懂得在工作與生活中掌握平衡

-滿地可女孩們坦然面對年齡,優雅地老去


跟係滿地可後邊, 有乜對手呢? 紐約,莫斯科, 哥倫比亞/麥德林, 華姐與港姐的發源地溫哥華, 巴西/里約熱內盧, 東京, 洛杉矶, 以色列/特拉維夫, 加拿大/多倫多, 羅馬尼亞/布加勒斯特, 意大利/米蘭, 丹麥/哥本哈根, 美國/邁阿密, 上海. 


嗱, 咪話我這個過氣港燦多咀呢, 有乜理由香港唔入流, 上海入流咖? 雖然我係半個上海人, 但我都好清楚咖嘛, 就算係講內在美, 都係咁講啦!

2017年8月17日 星期四

神一般排名, 豬一般的領先 @.@

哈哈哈....... 滿地可最騎呢咁領先同濟的地方呢, 在加拿大的各城市中,滿地可被評爲最有可能發現UFO的城市。

諗諗下,都唔奇咖, 週圍咁多原始山脈和壯闊海景,如果外太空真是有知覺的生物,識得乜野係美感, 都會想來睇睇這邊風景吧!  加拿大UFO報告,從各省UFO資源以及其他可靠來源,在2015年加拿大共有1267篇關于UFO目擊事件的報道,平均每天三到四個目擊事件。其中,12%被列爲未解之謎。

自1989年以來,BC省共有4,232例UFO目擊事件,位列加拿大第二個最多UFO事件的省份,而安大略省則以5,119例遙遙領先, 而滿地可所處的魁省1778例!






加拿大UFO目擊事件排名前10的城市


2017年8月16日 星期三

加記賣屋真係好煩

哎呀, 加記賣屋真係好煩, 煩到嘔電呀...... 現在見到朋友賣佢間出租物業, 才知道原來都好煩下.

如果間屋有乜問題, 有乜不盡人意或原本唔應該咁的地方, 都要講出來, 仲要寫明! 仲要講明係講哂自己所知的一切.

大佬呀, 舊屋來咖, 而且朋友間仲係出租物業, D人當然唔係買來自住, 只係會對比收入與價格, 做得成一盤賺錢生意就可女以了. 

欲後事如何, 請留意我第日八番的消息吧!

2017年8月15日 星期二

我這裡D人衣著呢.....

滿地可常被人譽為時裝之都, 美女之城, 不過, 可能..... 連串的無故綁架擄人案件, 又或這裡的人太過於表達他們民族文化的獨有顏色(如愛爾蘭的綠, 魁北克的海水藍), 我發現這裡的人衣著其實十分保守, 甚至是思想落後. 

其實, 我JJ衣著並不前衛, 雖款式沒有太大變化, 但我對衣著顏色是十分開放的, 可以是七彩, 沒有太多拘泥, 當然一些場合中, 就不會太鮮色了, 如星期日去教會崇拜就大多會素色一點, 淺藍, 淺綠, 淺灰, 淺米等等, 但不會著到好深色, 除非去葬禮.

PS: 這裡的人衣著保守, 另一個主要原因, 可能是他們身型不好, 較肥, 較不均衡, 沒有纖細身型, 這樣他們一著鮮色衣衫, 就會份外難看了. 

只是, 越是高檔品牌, 越是要出全碼, 由加細到加5大. 大多數的款式, 都是由細碼設計出來, 攞來去俾成衣商決定是否來生產, 之後, 就因應市場上顧客普遍的身裁, 把細碼衫加闊加長來變成中碼到加5大碼. 

只是我這裡, 大多數細碼衫, 都是用來放在時裝店的木公仔上, 擺來給顧客看, 到換季節時, 從木公仔除落來後, 就沒有人岩著了, 就要減到2-3折來吸引如我這般身裁的人吧! 

所以, 大家將來如果有機會見到我, 會發現我沒有什麼特定的衣著品味, 甚至著衫D款式係好OUT, 但係件件都係名牌好野來的.

2017年8月14日 星期一

人的慣性心態, 決定了他們的命運.


在經濟快速起飛年代的人們, 慣性心態是努力立刻得到豐厚的回報,  回報少或未立干見影, 就不能動起他們努力的決心.

不過, 很多時候, 回報並不是一朝一夕的, 必須經多年的慮積而成的, 才會見到成效.

我在這裡對很多朋友說過, 投資出租物業, 是一盤回報不俗的生意, 但很多朋友誤解了不用努力, 或少少努力就有不俗的回報. 我其實是說, 相比開餐館開便利店開洗衣店, 出租物業是一份比較輕鬆和穩定賺錢的投資, 也是一盤不錯生意, 相比開餐館開便利店開洗衣店, 可能付出的時間和努力, 出租物業只是1/10到1/5左右. 

只是, 我有個朋友由大6來, 習慣左高速經濟發展, 習慣了用別人的低廉勞動力來為自己賺錢, 而自己不用動手去做. 只係係加國出租物業, 係要自己動手動腳去做, 頂多困難部份就請人回來做. 但係我這朋友就諗住自己唔做請人回來做, 但又不肯俾高人工. 我介紹俾佢D西人, 佢全都話貴, 好啦, 佢係微信上找同胞來做, 點知就同佢裝錯哂D野, 變成裝完一排就爛哂. 

昨天佢間出租物業有很多警車來到, 我第一次係加國見警察著鐵甲威龍, 用爆門裝備和催淚彈, 來捉疑犯. 皆因為佢慣左大6果邊好順境, 來到加國後就不加思考, 心急租屋出去, 沒留意租客的背境. 當然之後, 佢就真係大鑊了. 佢間出租物業原本已經被D衰租客, 整到溶溶爛爛, 現在警察一來破門後, 佢就更煩了. 佢前排仲買了部十幾萬的SUV豪車.

大6現在這些人的心態, 跟香港80-90年代十分相似, 經濟起飛嘛, 以為努力後一定立刻見到錢途, 又或光鮮外表就能驅使別人, 為他賺到錢, 又人工低. 但加國實際情況, 卻令佢太失預算, 真有點擔心佢了.

2017年8月13日 星期日

見到D人咁, 離遠一些.

有次我帶我父親去檢查身體, 我地要先去技術員做測試, 再由醫生因應測試結果來用藥和劑量. 

其實, 我父親就算後生時英語流利, 到老左總係會遲頓左, 跟很多老人家一樣, 尤其入去醫院, 心情緊張, 測試過程又繁複, 隨時配合唔到個測試要求, 所以我跟埋父親去, 幫下佢做翻譯.

不過, 那位由大6來的中年女技術員, 就問我父親, 為何要個仔來翻譯? 為何生活左加國幾十年英文都唔好? 之後, 佢又解釋得唔好, 又唔俾時間我慢慢同我父親解釋, 做做下就嫌我麻煩, 趕了我出去, 當然我父親就不會做個測試得好了. 有好幾個重要部份, 做唔到. 

做完測試, 我見我父親緊張到面都紅埋, 我當然一句得佢, 我父親年紀咁大, 做這些測試又難, 又無我在佢身邊, 我父親隨時心臟有事咖.

見個醫生時, 本來我見大家係中國人, 都無想過煮佢米, 但我爸爸就同個醫生講左..... 個醫生嚇了跳, 因為這個可以構成歧視指控.

我第二次帶我父親去再做測試, 這次個大6女人無趕我出去, 俾我翻譯, 我父親個測試就做得好了. 

不過, 佢個心態真係有點問題. 這次就來問我家庭狀況, 我都唔係第一次俾人咁問, 當然知道下文係質個離婚中年女仕俾我, 或要我去教會. 我就立刻同佢講我年齡, 和我一向都是單身, 未結過婚. 不過, 佢真係不近人情, 明知去佢教會果D女人, 大部份離婚帶著仔女, 咁都要來強人所難.

PS: 我知道, 這些教會人仕日日見住D人, 入教會要佢地幫這個那個, 心裡好煩的, 佢一見到我父親要我翻譯, 佢就想起佢教會裡的麻煩事了, 但係我和父母從來都無麻煩過人, 一切都係我自己攪掂父母的事, 跟這些教會裡的人, 實在天淵之別. 

其實, 我雖然睇落30多D, 但我都講左我已經過左結婚年紀, 而且佢仲要係質D離婚有仔女的女人來俾我. 是的, 我明白, 這些離婚女人帶住子女, 入去教會要人幫, 令到這些教會人仕好煩, 我也好同情, 但我愛莫能助了, 我也有我父母要我去睇去理, 唔得閒幫人養仔女, 唔得閒帶D唔會英文的離婚女人去睇醫生.

就算我以前後生時去教會, 都係入去慕道, 從來無要過人來幫我.  不過, 最頂氣的, 這些教會人仕口口聲聲話我遲早要佢地幫, 所以, 提前來指到我陀陀轉. 現在見到這個大6中女技術員, 又令我想起以前的教會人仕, 都是同一種人, 主觀到死, 14年都看不出我入教會係慕道, 離開這些人遠一D, 係明智又應該的選擇.


2017年8月12日 星期六

投資產品五花八門, 實在不宜新手.

其實, 現今投資產品五花八門下, 大家真係要打醒12分精神, 有些債劵的投資產品或基金, 標榜著安全可靠, 投資在國家或國有企業的債劵上. 

只是, 最近國內發生的一單野, 就真係拷嚮大家的警鐘了. 2014年, 國內有50多間國企要債務重組, 其中26間, 債權人和企間持份者, 達成協議, 企業免被清盤, 但其他的, 打了多年官司.

最近, 國內法院對某著名國企資不抵債案有判決了, 債權人手上的債劵全變成股票, 舊股票或股份作廢, 即是由國企立刻變成民企, 或由債權人自行派人管理(最後大多都維持原管理層, 即是繼續被人抽水囉).

這個即是...... 國企債劵再不是由國家擔保了, 出現資不抵債時, 國家也不會出資墊底了. 所以, 買這些保值國家國企債劵的投資產品時, 就要十分小心. 通常, 我會叫大家唔好貪債劵槓桿而來的好處, 直接買實物, 如出租物業, 又或是生意長有長做長賺錢的上市公司, 而且分散投資來做好風險管理. 

PS: 聽說, 香港大藍籌的大6 四大錢莊股, 都係國企來咖喎, 再加埋十幾年前, 改變這四大錢莊資不抵債的資產管理公司, 也來了香港上市, 大家就真係要打醒精神了.


2017年8月11日 星期五

男扮女

昨天講完女扮男, 大家都估到我會講男扮女. 

嗱, 咁呢, 我係男人, 就真係無質疑過自己點解唔係女人, 十分簡單, 上天造我係男人, 就安於上天的安排吧. 

只是有些人, 可能不滿上天的安排吧, 這個又真係好麻煩, 細時, 我真係見到隔離個同學, 書包裡有個粉盒, 仲同我講話放學後就去威. 哈哈哈....

不過, 泰國又真係有人妖. 在泰國, 人妖的說法, 有幾個版本, 一說, D泰國謀生艱難, D人以為做女人生活會容易一點; 一說, 泰國水土氣候, 不單令男女比例失衡, 女多於男幾倍, 而且還令天生為男性的小朋友, 在成長期中受到水土氣候, 抑壓其男性特性的生長, 所以, 變成要去做人妖. 


2017年8月10日 星期四

女扮男

以前粵語片很多女扮男, 因為以前社會物質缺乏, 人們生活條件差, 生活艱苦, 男性出到一個如林家聲或呂奇的青靚白淨, 就真係不容易了. 所以, 找女演員扮男性吧!

不過, 現今生活條件好了, 香港通街的男性都青靚白淨啦, 真不明白為何香港有女仔會扮男仔囉!

我這邊都不時見到有鬼妹衣著好男性化, 拖著別一個鬼妹咖, 我明白的, D鬼仔唔夠青靚白淨, 這個我可以理解到, 但是香港女仔咁樣女扮男, 有些更走去練肌肉, 令到她們自己更像個帥哥, 給人一個要去挑戰男性的感覺.

可能香港這些女仔, 家裡男性出了問題吧, 這些女仔看不起家中的男性吧! 又或一直都在挑戰著她們家中的男性.

昨天, 我這裡動漫節, 有2個鬼妹, 一個扮王子, 一個扮公主, 只是有班好肥的鬼仔, 就走去挑戰這位"王子"了. 

這個是十分正常的, 有些女性要來挑戰男性, 有些男性又走去挑戰"男性化的女性", 存心剃人頭者, 怎會不被人剃頭? 只是到最後, 這些人個個都係度盞攪, 無好結果, 任何人都應該, 跟這些人距離遠一D, 黐親埋去都無好野發生的.

2017年8月9日 星期三

無腳的雀仔

我每次回港探親戚和朋友, 因為親戚朋友都忙著生活和家庭, 大部份時間都是我自己一個人, 而不認識我的人, 就更覺得我是"孤芳自賞"了. 

每天我一個人去公園晨運, 因為留港只一段短時間, 當然我真不想去識朋友, 省得去多費唇舌解釋, 而且我怎樣解釋, 人家大多都不會明白, 那就讓人們怎樣想也吧了. 

每次在港參加旅行團, 我被稱作"無腳的雀仔", 因為我體能最好, 我一天到黑, 都帶著其他團友, 去我發現的新大陸, 新好玩地方, 有時團友個個累極回房了, 只有我去, 回來後就把相片給其他團友看. 

無腳雀仔, 當然是指精力旺盛, 一天到黑都掛住去找新東西新事物, 而忘記了自己落腳點, 忘記了落葉歸根. 從他們口中, 聽說香港很多女性不婚遲婚, 一個如我一般的"無腳的雀仔", 是大大不該的.

其實, 我不是不想落葉歸根, 而是年青時, 給一些混人誤了, 越是宗教性強的人, 越是覺得我這裡那裡有問題, 因為我是個不能用常理測度的人, 因為我一直行著一條其他人不會行的人生路, 不過, 宗教人仕用他們的慣性思維, 當然就得出我有問題的結論, 這個也可以解釋到, 這些宗教人仕永遠都不外如是, 永遠都是庸庸碌碌, 痴人說夢話. 

我被迫年青時過一段漫長的孤家寡人生活, 離開這混人教會後, 拍了一次拖咁大把, 不過, 那次拍拖, 令我發現到, 漫長的孤家寡人生活, 令我習慣了一個人獨立生活, 也發現到, 原來我已經不太習慣多一個人在我身邊, 也可能這些宗教人仕的排他性, 像瘟疫一樣, 感染了我, 使我沒有了原先對人的接納性和包容性.

不過, 到現在, 我仍然感得, 我對別人的接納和包容, 比很多那混人教會裡的宗教人仕更強, 這些人不曾想過去接納和包容其他不同的人. 由是觀之, 可以解釋到, 這教會裡的混人, 可以有咁多人婚姻觸礁, 因為他們對我這樣不相關人仕, 都可以咁不接納和不包容, 當然對自己身邊唇齒相依的親人和配偶, 要求更高, 更不接納, 更不包容.


2017年8月8日 星期二

人生頂點 = 人家起點?

這句說話, 近排在大6好風行喎!

因為大6現在階層流動的機會較以前少左, 以前, 努力求學, 就容易入到重點大學, 入到重點本科, 進入理想職業, 進入精英的階層. 

現在大6一年幾百萬大學畢業生, 深圳如此發達, 是因為源源不絕的北方大學生, 一畢業就心儀著深圳高科技公司裡的職位. 

我自己是不相信這句說話的, 因為人生25歲前是父母給的, 但25歲後的人生, 是自己積回來的. 父母真是能夠給到子女, 別人積鑽一世的東西嗎? 有很多東西和觀念, 是父母可以給子女教導和認識, 但子女不一定能夠體會和承傳得到. 

很多人說我含著金鎖匙出世, 其實, 我自己人生裡, 真是什麼也去做的, 專業工作上我做好自己職事, 就可以了, 但自己投資的出租物業, 我實在跟任何阿四沒有分別, 落手落腳去做, 如果唔係咁, 邊處有錢賺呢? 如果我的起點, 是別人的頂點, 這句說話太抬舉我老豆了, 也太少看這些人自己的能耐. 很多父母俾足機會子女, 子女無心向上, 那又奈何呢? 

如果硬要說, 我的起點是別人的頂點, 那麼就說明一事, 我起點時, 已經明白努力耕耘這道理, 而別人到人生頂點時, 才明白努力耕耘這個基本道理. 道理就是這樣簡單, 人生起點時, 已經明白做人的道理, 才是先決條件.

2017年8月7日 星期一

無邪之心

昨天講開援交, 在那舊同學講解援交前, 我真是不會想到男女之間, 竟然可以在傳統拍拖婚姻之外, 可以發生如此的故事. 那時, 我大約30出頭多一D. 

當然, 一樣米養百樣人, 不可以一概而論所有女性, 只是我這舊同學認為, 在香港, 援交是經常發生, 援交的人也不在小數目. 這樣之後, 我每一次發現有女仕望著我時, 我都十分自然地, 第一個反應, 就是避免看對方, 把頭轉向別一個方向. 

大家不要以為, 這個是無邪之心, 相反地, 這個其實已經失去了無邪之心. 

無邪之心, 個反應呢, 其實, 就會..... 我會回對方一個友善微笑, 然後去繼續自己要做的事. 

怎樣也好, 我都是出於善意, 絕無任何惡意. 可能我家中沒有姊妹來講俾我知道, 到30歲後, 才明白這道理.

如果照這個邏輯, 將心比已, 一個沒有惡意的女性, 都會這樣去做吧! 可能很多女性, 比我更早明白這道理, 現在回想起來, 心地善良的女性是大多數. 

只是, 有些人是在善惡之間爭扎著, 當然, 我自己也是嘛, 就正如我昨天所說, 唯一能做的, 就是不要加深或誘發人們彼此間更大的惡行吧!.

2017年8月6日 星期日

為何香港沒有迫良為娼?

昨天講開迫良為娼, 多年前我都還以為香港仲有的, 但有次我回港, 同班舊同學出來旺角飲野, 其中有個舊同學, 知道這些地方裡的人生百態, 就好心來同我提醒我: "果邊有個女仔係咁望住你, 如果鐘意就買個袋俾佢, 係援交來咖." 我就問這舊同學, 如果個女仔慣左男人買野俾佢, 將來佢地點算好? 這舊同學答: "用慣玩慣, 無人搵佢援交, 就去撻囉! 再唔係, 出來做囉!" 之後, 我才明白到, 香港不再有迫良為娼, 大把女仔會做援交, 之後她們的人生道路就會.... 一條不歸路了. 這舊同學咁明白這道理, 他一定見盡這些事情發生.

當然, 我從不會誤解, 如果有女性望著我, 就是指那回事吧! 始終一樣米養百樣人. 不過, 始終有些人會這樣去錯誤解讀吧! 這個我也沒有辦法, 唯有去避免這些事情發生囉, 其實, 我是個一心娶妻生子的傳統男人, 我真係會真誠地去認識女方, 看看大家夾不夾的. 

而我, 像很多人一樣, 對人世間灰暗的一面, 都無能為力,  無論男或女, 皆因其內心原罪所使然, 都有可能去走歪了路, 唯一能做到的, 就是不加深或誘發人們彼此間更大的惡行吧!

2017年8月5日 星期六

大6女生"失聯"大氣氛下

近排好多大陸女生好興失聯喎, 美國那單已被當地警方定為謀殺案, 日本那2單, 一單被當地警方發現當事人的遺書, 一單係舞小姐被客人殺死, 至令到香港這單呢, 大6上邊初時有人估佢俾人捉左去做舞小姐.....

呵呵呵...... D人好OUT喎...... 大6我就唔豬道了, 不過, 香港這幾十年來, 都再沒有迫良為娼咖啦. 

係, 香港真係有黑社會, 真係曾經有過警察收黑錢包庇黑社會的日子, 現在香港警察也是對黑社會隻眼開隻眼閉, 不過性質就真係唔同於, 容許黑社會犯罪破壞社會安寧. 

任何社會上, 都有灰暗面裡的惡行, 例如: 香港幾十年前, 大把人吸毒吸左成世人, 好似新馬仔咁, 叫佢地突然間唔好吸, 就真係叫佢地快D死吧! 所以法律上寫明不淮吸毒販毒, 但當時都無辦法, 暗地裡容許這些事發生, 只是限死這些事發生在特定地點和時間, 讓這些吸毒的人成為過去後, 就取替這些非法活動. 當時, 默許人們吸毒, 但不容許迫人吸毒, 容許有娼妓, 但不容許迫良為娼. 道理就好像大6咁, 認為宗教跟吸毒一樣, 就容許宗教活動, 但不能傳教囉.

不過, 唔知道大6上邊係咪少靚女, 一見到這位深圳失聯女學生有幾分姿色, 有些大6人就一口咬定俾人捉左去做舞小姐喎. 哈哈哈, 叫呢D人來香港街上睇下啦, 唔好講中環D OL啦, 係旺角女人街人頭湧湧果班女仔, 就已經比死這深圳女生啦. 如果要捉去做舞小姐, 就不用多此一舉啦.

哈, 這位深圳女生, 原來今次佢去左2間萬寧和1間卓悅裡撻野, 總共撻左$2400的貨品. 更有網民評論, 佢應該不是第一次作案, 可能佢每次落來香港, 都最少做案一次吧! 



2017年8月4日 星期五

最容易被人迷感的人.....

是那種人? 虛榮心重, 事事不能讓執輸, 事事要出頭見風的人.

一個騙局的設計, 不是由虛榮心開始嗎? 

買股投資, 其實是件悶聲發財的事, 虛榮心是大忌, 出頭見風更是滑鐵盧的先兆. 

買股是這樣, 做人很多時也是一樣, 認清別人真偽, 只需看清對方的說話, 話裡是否有勾? 勾起人們的彼此競爭心態, 勾起人們不想成為輸家心態. 不單很多股評人就係咁樣, 很多宗教人仕也是這樣, 只是人們習慣自己是羊群, 認為某些人是好牧羊人吧!

能夠不被這些說話所迷惑, 買股才有勝算; 信神信教, 才會得著生命. 


2017年8月3日 星期四

為何有些人總是不能讓別人平凡過日子?

說穿了, 一字咁簡單, 因為這些人有求於別人, 別人平凡時, 他們就沒有利用別人的空間. 

其實, 我自己都是一半這種人, 不過, 我不會眨低生活平凡的人, 因為這是人家喜好; 但我卻會特別喜歡那些凡事有競爭心態的人, 因為世界上越多這種人, 世界越進步, 而他們努力的成果, 會墊起我, 使我生活得更好更美麗. 

只是我覺得那些人不讓別人生活平淡, 但他們自己生活又遲滯不前, 缺乏動力, 就證明這些人是個偽君子, 他們自己要利用別人努力的成果, 但自己又不努力求成果, 是最黑人憎的. 

以前, 教會D人要人家拍拖時, 怎樣怎樣的做人有成果, 大佬呀, 人家成果讓你們看到的, 就不一定是真正成果, 因為大多數人都是悶聲發財, 在人家沒有留意到, 沒有人來競爭下, 才能夠殺出重圍嘛. D女教友聽這些混人講, 實在傻左, 一或心智不健全發展. 

不過, 過了咁多年後, 這些人又做到D乜出來, 沒有真正做事的人在他們身邊, 他們就一疇莫展嗎? 即是證明, 我這些平凡過日子的人, 做出來的事, 比這些叫囂大罵的人, 還多還好. 

2017年8月2日 星期三

什麼是名校最厲害的地方?

其實, 沒有什麼的, 一群學生囉....

一群尚進心比較強的學生囉.....

又或者是, 這群學生背後, 他們的尚進心較強的父母囉.....

再或者, 這群尚進心較強父母背後, 他們佔優的資源, 專業操守, 社會人脈網絡, 和做人處事的良好態度吧.....

一班這些背境長大, 受父母煄陶長大的小朋友, 再在學校裡大家彼此模仿, 當然長大後, 就不能跟平常的小朋友同日而喻了. 不過, 人總有限制, 自己是什麼人, 就做個什麼人囉, 千祈咪勉強.

入名校是否一定好? 我認為呢嗄, 不是那種人, 入名校是件苦事. 父母讓兒女入名校, 而父母不想改變自己的做人處事態度, 兒女夾在同學學校和父母中間, 也是一件苦事.

2017年8月1日 星期二

名校是什麼? 天資又是什麼?

我有些親戚, 名校裡不是考第一就是第二, 但就算名校, 一年都只有1-2名入香港d大學醫科. 

之後, 他們入了醫科後, 就見到所有同學, 都是各間名校的高材生. 

那麼醫科裡的狀元是個怎樣的人? 原來, 不單不用讀書, 而且更是不用睡太多覺的人, 人人晚上11點仍為明天期考努力衝刺時, 他仍然在打球. 

當然, 這許人物現在不是書呆子了, 是個很出色的研究所院長, 是個大學校長了. 

那麼, 大家可能會問, 究竟一切是天生的? 還是後天努力的? 名校有沒有用? 讀書有沒有用?

其實, 照我JJ話齋呢嗄, 盡了努力後, 就要接受自己是個怎樣的人, 不要埋怨自己或上天或父母了. 一切都是上天的美意, 我自己不認為自己有任何比那醫科狀元差的地方. 

當然那醫科狀元過目不忘, 但我能夠忘記不開心的人和事; 他不用睡覺, 但我十分享受睡覺的時候. 

所以, 人不用比較, 只需做好自己就可以了.人生到最後, 都是兩餐一宿, 開心快樂過日子就可以了.


2017年7月31日 星期一

人生...... 計定而後行

人生有定律, 年青時做這些, 中年時做這些, 中年過後就不做某些, 老年後就專注自己健康.

在人生賺錢最多的年歲裡(通常大多數是40-50吧), 就不要誤以為自己人生進入更高的境界, 就不要到這年紀才來開大水喉洗錢, 這個年紀其實是要開始為退休而儲錢. 

其實, 人生在賺最多錢時, 雖不急流勇退 , 但也應該未雨籌謀, 知道人無千日好, 花無百日紅, 健康不是必然的, 賺錢多是因為健康尚好, 但一到健康不好時, 就賺不到咁多錢了. 

所以, 人生之計, 就是....... 在健康尚好時, 預備自己健康沒有咁好時的生活需要, 明白生老病死, 並接受這個定律, 依照這個定律去計劃人生, 人生才會安穩渡日, 相反, 不接受生老病死這定律, 不為自己和家人老年來計劃, 並且切實落實地去實行, 當然晚境必然會悽涼無助. 

SP: 好了, 教會叫人有信心是好, 但不設實際的信心, 或離開實際很遠的信心, 就不是人人都可以, 因為大多數人都是好像鐘擺一樣, 心裡一時想得極好, 一時想得極差, 就會極沮喪了. 不要以為教會裡的牧師信心極佳, 真不知道有多少次聽到D牧師訴苦, 只是人家苦時, 這些牧師是不能理解的, 但他們自己的苦卻明顯的擺出來. 所以, 信心好是好, 人生困難可以大步跨過, 不過, 不設實際的信心, 就不能當飯食吧! 所以, 做牧師的, 不能沒有由神而來的呼召; 沒有神在其中, 牧師的人生和生活, 是渡日如年的苦事.



2017年7月30日 星期日

今天我這裡搭巴士地鐵唔洗錢.

主要係因為賽車而封路, D人個個揸唔到車出市區, 市區的消費和人流一定受到影響, 個市長為免被人照肺, 竟然想出公交工具免費2天.

嘿, 照我JJ"有便宜唔會洗頸"的性格, 點會唔用盡佢呀, 哈哈哈..... 

 

2017年7月29日 星期六

自拍要留意背後的環境.

大家自拍時, 真係唔好淨係留意鏡頭, 還要留意自己身後的環境. 最近, 又有一宗因為自拍而從高處跌下死亡的過案, 令到到目前為止, 全球已經有127宗自拍死亡的案例, 而因為自拍而受傷的過案, 就更多不聲數了. 

2017年7月27日 星期四

抽象思維, 是裝作不到出來的.

這一年, 我去了一位小妹妹主持的"論語/大學/中庸/老子"讀書會, 是用煲冬瓜的, 初時有很多阿叔和大嬸的, 不過, 這些人可能頂不順這些抽象思想和邏輯, 悶到個個釣魚, 尤其D大嬸釣魚個款呢, 好攪笑呀, 呵呵呵.... 現在只剩我一個常客.

有次有個西人來喎, 嘩, 佢D煲冬瓜呢, 好到, 實在太好了, 大家唔好望住佢, 背住來聽佢嗡煲冬瓜呢嗄, 大家真係唔會發現佢個係西人. 

不過, 佢又係我面前漏了口風, 佢一聽我煲冬瓜和英文, 就知道我原本係香港人, 哈哈哈...... 我一留心聽佢講野, 乜D英文同我有點似喎, 即係佢老媽又係香港人了. 佢係半個中國人喎.

之但係呢, 這位西人哥哥仔呢, 佢認真堅呀,  原來佢會氣功和太極, 前日發左個訊息回來, 講佢係大6參加氣功太極研討會, 噢..... 嘩..... 比"孔孟老莊"還要抽象, 我還以為剩係得我可以頂得順D咁悶的東西. 

PS: 不過呢, 又真係好難怪D人頂唔順"孔孟老莊", 多年前我在那唐人教會裡講了"中庸"這詞彙, 個牧師就已經好唔鐘意, 好似我離經叛道咁. 

我覺得, 這些人和他們的信徒, 人生進境大多都不外如是, 因為對一切抽象的思想, 都不再有認知的空間. 

難怪我跟他們說, 因信稱義, 罪得赦免, 他們硬要用"沒行為的信心是死的"來眨低這個信仰基本. 難道這些人真係咁醒, 可以看穿人們行為之後的心性嗎?  人家行出來的事, 難道他們有資格來評高低嗎? 這些人這樣做事的方法, 又不是回到人的原罪裡去嗎? 這些牧師如果真係咁會看穿人的行為, 就不會批評佢地D男教友結婚後變哂啦!

路遙知馬力, 日久見人心, 這些人令到間教會變成佢地的私人會所, 就知道這些人心裡沒有傳福音的念頭, 行為是可以裝作出來, 但長遠出來果效是不能裝作出來的. 裝神弄鬼的人有禍了,  對自己不真誠的人, 更不會有好結果.


2017年7月25日 星期二

家陣留在滿地可春眠了. 呵呵呵.....

現在下午滿地可天氣真是一流, 22度呀, 晚上16度, 舒服到傻左. 天天晚飯後行在屋外的樹林, 真係唔想同人逼船逼飛機去旅遊呀. 

這個季節留係滿地可, 個感覺係最正的, 等到10月以後, 或許我會去旅行下. 


2017年7月24日 星期一

加國每況愈下, 不能怪人吧!

昨天講加國零售有幾差, 網友小T提議可能人們都轉去網購. 

其實, 是有可能, 但很多東西是不能網購的, 如衣服, 鞋襪等等....

其中一種是理髮, 一定要親身去嘛, 不過, 我每次星期六去理髮, 都發現現在不用等, 因為小左好多人喎. 

咁,...... D人去哂邊度? 主要原因, 當然係D人一係自己飛, 一係耐D先至飛囉.

以前, 唐人街有很多理髮店, 用膳還可以去西人度, 但理髮就一定要找中國人, 髮質, 髮型和頭型, 西人飛唔慣中國人嘛. 

PS: 講個令人傷心的故事, 以前係教會裡, 有個讀博士的朋友, 當時他想鼓勵別人去追求高學歷, 就對人說他將來會在藥廠上班做研究, 年薪最少6-7萬. 不過後來我有次在唐人街再遇上他時, 見到他頭髮蓬鬆長及膊頭, 面容焦緒, 一幅落魄不得志的樣子, 他一見到我, 就行開了, 我當然識做, 唔會走埋去關心佢, 被他誤會我走去問長問短. 

不過, 可以看出, 加國這裡, 就算人有心有力去做好, 但結果都可以事與願違, 不能一概而論高學歷就一定得. 所以, 街上這般多舖頭關門, 很多人在街上乞錢, 都不能怪他們做事做人沒有盡力; 表面所見, 不一定就是事實.


2017年7月23日 星期日

歐美零售生意好難做

上個星期我買左件減價30加仔的上班雨褸果間百貨公司, 前日間野話因為蝕錢蝕到見血, 宣布要摺埋幾百間舖, 加國就有幾十間, 每間都請幾百人. 

唉..... 前幾年我見這公司D地下爛左都唔整, 就知道佢地蝕錢. 

其實, 加國零售市道好差, 消費好差, 度度都關門, 我都未見過D 商場可以有咁多間吉舖係度吉緊.

就以唐人街個新起商場, 由大6新移民資金起, 見D舖開時, 已經好似大6國內D商場咁款, 我就知道班人聽打柴, 再加上現在零售咁差,  就更多舖陸續摺埋了. 連間新開的髮型屋, 都要搬走, 去別一個商場裡, 同一間開業多年的髮型屋合併, 可以睇到生意有幾難做了. 相信這唐人街新商場, 唔會捱到幾耐就要找新股東來再融資了. 






優良家族傳統

昨天, 聽我老豆講, 我係美國個侄仔, 話計劃轉工, 目的係為左搬番近D我阿哥住哥度, 等我侄仔可以多D返去睇住我阿哥, 話我阿哥進入退休年齡. 其實, 我侄仔現在份工極之唔錯, 人工好高, 高到畢業後5年就供完間屋了, 間公司又俾佢一路做一路讀碩士

嗱..... 講真, 我侄仔咁乖的後生仔, 在這個世代裡又真係好罕有. 

可能因為我侄仔上次來探我和我父母時, 我同佢講, 襯著他父母後生, 多D出去玩下, 見識世界. 

佢一見我唔舍得丟底我父母去玩, 佢心裡又有同感, 覺得要為我阿哥做D野咁啦.

其實, 人與人之間, 好的習慣是可以互相影響的, 尤其是那心地善良, 又肯負責任的人. 

有時, 我實在奇怪教會班人, 為何佢地人生有咁多問題(成日吐苦水話自己為口奔馳, 照顧唔到父母)? 仲要手指指指咁話別人這裡那裡做得唔好? 唔夠屬靈唔夠愛心? 沒有老人服務幫佢地喎! 

我自己做好自己本份, 管好自己的事, 照顧好自己家人, 唔去煩住別人, 這個就做得不夠好? 難道這些人做得好嗎? 這些人眾多兄弟姊妹, 照顧父母都話咁難, 我一個人睇住我父母, 咁就唔好講我做得唔夠好了, 這些人口是心非, 見人講人話, 見鬼講鬼話. 我離開那教會, 讓佢地實行佢地話要做的事, 但多年過後, 一睇佢地會友直線下跌到咁慘, 就知道佢地做左D乜出來了. 




2017年7月22日 星期六

超市D菜, 甚至有機菜, 都係少纖維咖.

大家唔好以為買番來的菜, 同自己種的菜係一樣, 原來內裡的纖維相差很遠. 

我老豆係後園種, 種得好瘦好柴, 但係纖維多過外邊買的, D葉係唔會咁易爛, 莖也十分有咬口, 唔會水汪汪咖.

原來, 超市買的, 係用科學方法種, 快大, 少水, 少地方, 所以纖維少好多咖. 

2017年7月21日 星期五

色盲唔會好似我咁叻咖.

嗱嗱嗱..... 各位有無試過自己油牆呢嗄? 我就請人回來油自己出租物業, 但係呢, 物業單位之間的公用通道, 人來人往, 必定好快有黑點, 但係我又唔想成塊牆油過, 咁, 我唔係用同色同光澤的油點上去. 

有度地方, 油左2年左右, 現在要點番D油上去, 才發現上次請果個人, 用左差不多色但不太一樣色來油牆喎, 咁我真係唔知係邊隻油邊隻色嘛, 點左一向用開的油上去, 才知道大鑊, 之後就想成幅牆油過, 但邊邊的地方好難油. 

咁..... 我就去舖頭, 搵左D 顏色樣版紙回來對比下牆上D色, 哈哈..... 唔知道我係咪呼碌撞棍死夠運, 還是我隻眼對顏色好堅會得分開. 攞左3張, 就已經俾我搵到岩色返來, 我覺得我好很堅呀. 總之, 我就一定唔會係色盲了, 呵呵呵.....

2017年7月19日 星期三

各位加記的朋友, 有件正野同大家講.

剛剛才知道, 原來加記很多省, 有條稅收規例, 就係...... 如果某人單靠收股息過日子呢, 頭5萬加元的股息收入, 就不用俾稅喎......

嘩哈哈...... 嗱嗱嗱..... 如果有人一出來打工, 就俾老闆老屈做合約工, 從來都無供過退休金呢..... 即是將來無退休金, 又或退休金好少好少呢, 這類頭5萬股息收入就可以免稅了.

又或呢...... 一向都係唐人街打現金出糧的工, 現在銀行息咁低, 就將銀行D存款全部去買收息股(3-4%),  之後收回來, 就不用打稅了. 更不用好似 TFSA 退休免稅戶口咁, 攞出攞入不方便, 被人問長問短了. 


這裡魁省這樣立法, 不知道是德政還是劣政?

上年魁省通過法案, 任何年長70歲而又低收入, 凡在某出租物業住滿10年, 業主就不能收回自住. 除非業主也是長者, 又或長者業主住在同一, 需要收回來讓其兒女搬進來照顧自己. 

其實, 對我係沒有影響的, 因為我不會收回已出租的物業來自住.不過, 對很多其他業主, 就係問題囉. 

 


2017年7月18日 星期二

有錢就任性, 係點樣的咀臉?

最近係多倫多, 有個由中國來留學的戇居佬, 沒去上學, 加記政府唔再續佢學生簽證, 佢竟然係網上買個中國假身份, 並成功伸請加國工簽, 再入境加國.

只是心中有鬼的人, 永遠都有個鬼, 飲酒或吸毒來麻醉自己, 就是這些人的普遍毛病. 有次這人醉駕, 開部重型越野車, 在50KM/H制速的道路上, 開足188KM/H, 把人家房車撞飛90米, 對方立刻死亡. 

最後, 醉駕罪判得最重 - 6年, 過期居留罪 - 1年, 使用假證件罪 - 1年. 通常, 加國政府唔會白花納稅人錢, 來監禁D無謂人, 通常唔會判過期居留/假證件罪去坐監, 而是立刻解出境. 今次係特別招呼這戇居佬. 

這些人上代係農民工, 今世這樣的德行, 當然永世都脫離不了農民工的惡咒. 並不是因為身上名牌, 口中唅著名貴雪茄, 開著名牌越野車, 就可以脫離農民的魔咒, 主要是由心存善含開始, 其他的一切中產思維/價值/福址, 才可以慢慢慮積下來. 

 

2017年7月17日 星期一

班友真係食濕米...... 咁都可以寫出來.

嘩, 唔好講話係加記啦, 連美國都唔得咁做喎, 竟然講明只請中國人呀. 班人傻左去邊呀.

不過, 如果我行過這個牌呢, 我會好心幫佢加"SPEAKING" 個字上去, 咁就政治正確了, 呵呵呵.....


2017年7月16日 星期日

愛情每多在這種位置出來 2

哈哈哈, 我JJ係咪好八掛公呢嗄? 好奇心驅動下, 我今天又同那位朋友係唐人街食個午飯了. 

佢就不時係度昅野, 猛問我覺得那些出現係餐館裡D女性點樣, 靚唔靚, 我一概咁講麻麻喎, 但佢就講呢, 這個好年青但配個白頭佬, 這個好窈窕配個肥仔喎, 這個好靚女倍佢老爸喎. 我一睇, 就發現佢睇唔清楚, 要換換眼鏡.

最後, 佢好頂我唔順, 就話我要求太高, 所以還未結婚, 車..... 佢只問我D女性靚不靚, 又唔係問我岩唔岩來做老婆, 而且我又只是照實回答D女性係唔靚嘛(咁..... 我自細到大, 圍繞在我身邊的女性, 又真係靚過哂這女性嘛),

我發現一事, 原來愛情要發生呢嗄, 必須要係一方或雙方都係睇唔清楚下發生囉. 

好吧, 等我今晚祈下禱, 要佢喜歡果個都睇唔清楚先得.

PS:  我後來講笑同佢講, 如果我有好多錢錢, 我會幫佢娶得成佢喜歡果個, 但佢話喎, 錢並不能夠買到幸福, 哈, 我無叫佢買喎, 錢只是讓他有個安樂窩來娶老婆之嘛!

 


2017年7月15日 星期六

加燦政府真係低B呀!

最近有個中東裔的加燦, 加國政賠俾佢一千多萬, 但如果任何人知道實情, 都會感到有點過份. 

這位叫 OMAR KHADR 的人, 在加記多鱗多出生, 父母把回教的宗教狂熱傳埋俾佢, 佢十幾歲就跟著父兄參加阿富汗聖戰組織, 做童子軍. 

到佢15歲那年, 有次遇上美軍, 可能美兵認為他們是個兒童, 沒有戒心, 被他用手榴彈炸到一死一永久雙目失明. 之後, 佢就被美軍俘虜左, 就俾人的左佢去美軍在古巴的關塔那麼基地, 做監躉了....

因為那裡不是美國本土或任何國家, 就不受美國或任何國家人權法約束, 而古巴那裡因為卡胡子共產政權, 又沒有人權嘛, 咁, 就可以在那裡審班中東友, 要有乜資料就有乜資料. 

但係當時加國政府做錯了, 沒有保護其國民, 而且多次以戰犯來偵訊佢. 老美政府更用戰犯來告佢坐監(主要因為佢係加藉, 不是阿富汗藉, 加國沒有向美國宣戰, 就不能用俘虜來對待.

好啦, 老美薯頭以為從此把這些人鎖起佢, 就太平無事. 點知道老美2008年選左民主黑仔出來做總統喎, 並要關閉在古巴這個不用理會監躉人權的基地. 咁, 老美就要放KHADR嘛, 咁佢係加藉, 而且佢係阿富汗唔係當兵, 加國政府就唔可以唔俾佢回加記.

噢..... 佢一返到來, 就大鑊了, 佢告加國政府喎, 並獅子開大口要2千萬, 當時人人都當佢坐監坐到SHORT SHORT地. 不過, 可能因為幫佢打官司的那大狀十分熟識加國人權法, 竟然告入左加國政府喎.

加燦政府睏低左一舖, 賠左1千零50萬俾佢. 不過, 事情還未了結, 因為佢唔係軍人, 而係平民, 俾佢弄到死傷的美軍家屬, 入紙告佢賠償1億3千萬美金, 並且能夠在加國執行, 即係佢盞攪囉. 

2017年7月14日 星期五

我這裡鬼佬加細碼有幾平?

ADDIDAS 運動 CLIMACOOL 那種的有領T恤, 原價沒$50加仔都唔得, 現在少人身材岩個碼, 減價後只售 $15加仔, 即係1舊港紙多DD, 嘩哈哈, 一舊水宜家係香港買到D乜? 一扎咸水草, 一疊草紙(練書法果D), 一隻洋橙糊大閘蟹加多隻蟹蚶....... 

我正想買下之際, 有個身材無比健碩的西人, 走來問我拿來看, 我很有禮貌咁俾佢睇, 佢睇左好耐, 當然係度計緊要上幾多健身班才可以著得上我手中的加細碼T恤. 我心想, 老兄, 你算把啦, 件衫都係慳得果幾十元, 你無必要為咁去上N堂, 每堂幾十元的健身班嘛. 


2017年7月13日 星期四

愛情每多在這種位置出來.

我個朋友, 佢係加記這裡一個進修課程中, 結識了鄰班, 由中國大陸過來學習職業訓練班一年的女仕. 

他不富有, 可以說是有點窮, 這女仕又係有點窮, 可能出於經濟環境不好, 這女仕搬到我朋友父母出租的地庫住. 可能只是收取象徵性的租金.

前幾天, 我朋友叫我幫這女仕留意一下工作. 嘩, 咁.... 我又即本同佢留意一下, 不過, 我從未見過這朋友咁在意其他人唄, 仲話擔心這女仕會搬去其他城市.

我就同佢講笑, 想人家唔好搬走, 好容易姐, 娶鬼左佢, 唔係得囉!

之後, 佢就十分慶合合咁來罵我, 我就知道當中...... 哈哈哈, 我JJ好挑通眼眉咖喎. 

PS: 是的,  人窮就會更容易感受到愛情出來, 相反人越富有, 女方就更難到看出男方的愛意. 好簡單, 個男方袋中有10元, 能為女方付出$10, 這個肯定愛了, 但男方有千元, 付出$10, 女方就只會嚏以鼻息了. 

結果如何? 等我再八完番來, 下回分解吧! 哈哈哈..... 可能會大派苦茶咖嗄, VIEWER'S DISCRETION IS ADVISED.

2017年7月12日 星期三

FACEBOOK 其實都幾危險

有人係FACEBOOK上, 可能出於鼓勵別人, 說她幾年前一無所有, 後來因為勤力工作, 現在就有六位數字的收入了. 

其實, 這人是好心, 希望其他人走出困擾的人生, 努力向上.

只是好心沒有好報, 在她發原FACEBOOK 文後2小時, 就有賊人拿槍脅持她, 並在她2個幾歲大的女兒面前, 槍殺了她. 

FACEBOOK 要寫自己真名上去, 係美國, 好多人姓名, 電話號碼和地址, 一查就查到.... 美國玩 FACEBOOK, 真係危險咖.

PS: 試過有人在 FACEBOOK上分享佢全家去旅行, 點知一返到來, 全家裡的物品被劫一空.

2017年7月11日 星期二

加國會加息嗎?

上2個星期, 加國央行話擺明車馬要加息, 上星期五加國就業數劇更上一層樓, 不過美國就業數劇也一樣咁堅挺. 人人都估加國和美國都會加息.

加幣會升, 但不會對美金或港紙升得太勁, 因為美國經濟都係好強勁. 

我估計, 1美元對1.27-8就差唔多了, 之後會回落番去吧.

我出美金糧, 兌返加紙, 當然我會等到美金兌加紙高時才換, 所以我自己會等多1-2個月才換囉.

2017年7月10日 星期一

不能次次都靠衝鋒陷陣的勇氣.

睇番好多福音劇, 都係講D人墮落到盡頭, 因為信耶穌而轉身. 

我相信這些劇對很多人很有幫助, 尤其當這些人到了絕望的境地.

只是, 很多人如我一般, 人生一向都沒有絕望, 只是明白到自己死在罪惡過犯裡, 知道自己需要耶穌赦罪的大能. 這些劇就不一定對我有幫助了, 而且反而成為反效果, 因為這些人原本就是跟我格格不入.

其實, 在教會裡, 我真是遇見太多人跟我格格不入, 可能我是個喜歡長遠計劃的人, 而不是一個臨陣格鬥的人. 

最簡單一事, 廿五年前在未有大6移民時, 我已經跟他們說一定要學烋冬瓜, 可惜我是唯一個走去學煲冬瓜的人; 廿年前互聯網剛開始, 我是唯一一個每天用30分鐘, 傻著去學練習倉頡輸入法的人, 傻著去記番起那些久已忘紀的中文; 15年前, 那華人教會要網頁, 只是大多數的人只會說著 JAVA 或 X-SCRIPT, 但沒有人會寫, 更沒有人心裡想著寫下自己的得救見證, 這個令我最傷心, 最看清楚這些人心裡想法, 實在跟我有著天淵之別.

到今天, 我不能肯定, 是否是這些福音劇, 令到這教會缺少像我一樣想法的人, 不過, 我可以肯定, 人無遠慮必有近憂, 不能樣樣都好似打爛仔交咁, 臨陣才衝鋒陷陣. 我想孫子兵法裡, "未戰先勝"是恒久真理.




2017年7月9日 星期日

好心做壞事

今日我又買左件正野, 係一件上班著的雨褸, 只是30元加仔, 嘩..... 嘩..... 嘩..... 我開心到爆呀, 去邊度買呀? $30加仔喎? 

我見旁邊有對唔識的煲冬瓜夫婦, 又係係度鴆袜嘛, 我就好心用煲冬瓜, 招呼旁邊這對大6夫婦, 來揀$30加仔D正野啦.

之後, 我攞左件去試著, 一照塊鏡, 我嘩左一聲出來喎. 

果位太太係我旁邊話我好帥, 這個我就開始唔想再多講了, 始終人家有老公在旁, 就不能令人家老公心裡不開心. 

有時, 我的第一身感覺真係好準, 之後佢老公放番低所有試過的, 表示自己太肥了.

我那時心想, 這次大大劑了, 怎能在人家老婆面前, 把人家老公比下去呢, 我就立刻鬆人了, 唔敢再多講.

我當時心裡有個印象, 就是今天晚上, 個老婆會對佢老公進行密集地獄式特訓, 令到佢老公可以著到同我一樣的衣服..... 噢..... 大劑呀, 都是我JJ 好心做左壞事了. 

PS: 以前, 我有個女網友, 有次佢一定要我著起我買件衫, 影張相俾佢睇. 之後呢, 這女網友, 不時登出佢地2夫婦進行密集地獄式體能特訓, 再加上每餐只食水果素菜. 哈哈哈...... 希望唔係我JJ做左件壞事啦, 如果係, 我就真係會折福了, 嗚嗚...... 




2017年7月7日 星期五

中國政府向美國政府施壓.

昨天講, 中國年青女學者, 訪問美國期間, 在美國失蹤. 中方政府向美方施壓, 令到案件受到中美雙方高度重視.

其實, 在美國白人婦女之間, 已經聽過不少傳言, 美國執法界在處理強姦罪時, 會偏坦白人男性, 甚至有說, 很多美國婦女為到避免日後遭到報復, 在性侵後, 啞氣吞聲. 

今次事件, 中國政府高調向美方施壓, 這個是好事, 最少這班人知道, 再不能把中國人當作目標, 中國人已經不是一個容易犯案的目標. 

神乎其技

最近有個學術訪問美國的中國年青女學者失蹤左好耐, 中國政府基於這女學者的優秀學術成就, 就向美國施壓. 只是美國政府只一個線索, 就是女學者被美國街頭保安攝影機所拍下的相片, 相片中見到女學者上左一部某形號的汽車. 

這個當然十分清楚係熟人所為, 找出女學者在當地接觸過的熟人, 再加上這人擁有這形號的車子, 就最大嫌疑了. 美國警察真係找到這人, 在佢電腦和手機上, 查到佢成日去一個叫綁架的網站, 之後就查問佢D朋友, 發現佢曾經向朋友承認車左女學者回去佢屋企. 

在美國警察拘捕這條友仔前, 已經有中國公安, 透過美國FBI提供的街頭模糊相片, 來摸擬咁畫左個犯個樣出來, 真係神乎奇技.

不過, 這模擬容貌不能用來上庭做證據, 現在連個女學者條屍都搵唔到, 現在D證據不太有力, 而且個犯死口唔認, 就真係要找找新證供了. 可能真係要睇睇個犯屋企有無搵到女學者的衣物纖纖, 甚至血跡, 如果係佢屋企發現女學者大面積的血跡殘留物, 佢就真係會斷正.



2017年7月6日 星期四

影子銀行

這個...... 即是, 不是銀行的個人或機構,  地下並非法地進行跟銀行相同的業務. 

通常, 影子銀行為到賺取比銀行或股票息口更高的回報, 甘願做一些受監管銀行不能做的業務, 籠統咁講, 即是生意上, 做那些承受比受監管銀行更高風險的業務. 

影子銀行對金融系統最危險的地方, 能掩藏一些個人或機構的不良信貸紀錄, 和其相關的信貸風險, 例如: 某人根本連首期都沒有錢, 但透過影子銀行就有了首期, 但這筆貸款並不會顯示在受監管銀行批貸款時的評級上, 銀行無從評估借款人在俾完影子銀行息後的還款能力, 這樣就直接影響到整個金融系統的穩定.

前排中國政府話要整頓影子銀行, 聽說上邊真係有好多影子銀行, 不但個人有錢無地方放, 而且很多企業和政府單位有其小金庫, 本來是用來作 PETTY CASH用, 又或用作員工圍內人的福利, 沒有上報, 但久而久之, 越滾越大, 就要想辦法處理, 放貸出去, 就是一個好出路. 這些個人或單位, 行使著銀行的業務, 但避過金融監管, 扭曲了金融系統的安全性.

2017年7月5日 星期三

幽靈抵押品

這個名詞, 可能已經有一段時間, 甚至可能出現在1908年或1930年美國金融危機那時. 

意思即是指一些抵押品已經有一按或二按, 甚至不存在, 但冒充著優質抵押品, 被評為低風險債務, 享受著低息的優惠. 

怎可能會發生? 因為銀行接受了可疑或甚至帶有欺詐性的證明文件, 即是銀行水浸, 為到做成生意, 把款借出, 隻眼開隻眼閉.

最近有西人傳媒指出, 很多加國在國外的抵押品, 存在誤導性, 例如, 中國國內抵押貸款中, 有60%是用商品房來抵押, 但國內的樓價已經升到一個令人難以負擔的水平, 無以為繼了. 

更令人擔心的, 加國政府原來已經容易BC省銀行按揭, 接受來自中國國內的抵押品. 

情況有點像98年金融風暴時, 香港銀行借錢給國內一些窗口公司, 接受國內抵押品一樣.

2017年7月4日 星期二

噢, 各款西施, 應有盡有!!

大家快埋來睇, 快埋來揀呀..... 各款西施, 應有盡有!!

第一款係...... 冰糖葫蘆西施, 講真, 我見到, 我一定會買來試下, 我真係未食過咖喎.




第二款係...... 燒鴨西施, 噓.... 姐姐, 隻鴨燒到好燶呀, 多致癌物呀, 唔健康喎!




第三款係...... 肉飽西施, 真係好了, 這個笑面迎人, 跟我JJ一樣, 係福相來咖, 好有福氣呀.....




呢款係...... 賣菜西施..... 嘩哈哈, 好似林熙蕾唄,


呢款係...... 巴士西施, 我真係驚住我被她美貌吸引了, 入了張100元人仔都唔知.



呢款係...... 燒豬腳西施, 姐姐, 你賣D野, 真係有咬口咖喎!




呢款係...... 凍飲西施 (好似以前李賽鳳, 好有懷舊 FEEL)




呢款係...... 咖啡西施, 一埋檯就拒人千里, 所以, 這個被封西施呢, 有點 MUNK水喎.....




呢款係...... 豆腐西施, 嘩, 好高雅呀, 姐姐, 一於封妳做仙子.




呢款係...... 豬肉西施, 由一舊豬肉切到變成一塊齊齊整整的肉塊, 好刀功呀,



這款.....係炒飯西施, 姐姐妳咁靚咁瘦, 無謂賣D食肥人的炒飯呀, 個個男仔為左一睹你美貌, 餐餐來食妳的炒飯,半年後個個都變洒豬八戒了, 呵呵呵.....


 最後呢款係..... 傳統的蔗汁西施, 嘩..... 佢已經網紅左好多年了.






還有, 那個奶茶西施, 已經嫁左有錢人, 現在做左少奶奶了. 

PS: 有一年, 我父親話要追個女喎, 我母親立刻反對, 理由是..... "生男仔已經煩到震, 驚住佢俾人拐左去, 現在生個女出來, 唔該你請個工人來做家務, 等我可以日跟夜跟住個女好了."

2017年7月3日 星期一

滿地可邊度最多中國人住?

幅圖可以睇哂了, 紅色果3撻, 就係啦, 證明中國人喜歡住埋一堆, 我住滿地可西北上的小島, 係黑色的, 即是這裡D人全講法蘭西話或英格尼薯話. 不過, 我咁耐都未知道西邊紅色那一撻, 有咁多中國人住. 直到我早排聽人講, 在那間私校旁有很多中國大6家庭住, 貪果處近學校. 

唉..... 這個最無謂了, 成班講中文的小朋友,聚係學校裡, 跟在中國有什麼分別, 而且這些人心態是, 兒女在大6讀不上, 個個來到這裡又聚埋一堆, 阿蘭嫁阿瑞囉...... 炒埋一碟好過穩咁.


2017年7月2日 星期日

當世上等貴族?

我有個大陸來的網友, 她真是很勁的, 差不多世界各地都去過打過工, 而且不是二打六的普通工作, 只是, 佢成日怕俾人叫佢做大6妹或燦妹, 佢好勞氣咁同我講, 佢在星加坡的同事, 無人的時候才跟她說煲冬瓜, 一出到外邊, 就要講英語.

我就好言安慰佢, 世界上任何人, 一見到我和她這種人, 又英語又煲冬瓜又法文, 就會覺得我地係上等貴族. 她那星加坡同事傻姐, 係都要去中國化, 傻得不可想像.

是的, 在英語世界裡, 最有錢的那群人, 全都是英法雙語的. 我由細到大, 一直講英文, 但一學左法文後, 英文真係進步左好多好多, 因為法文解釋了很多英文字的字根和由來, 就知道當中是有某些含意了, 用英文字時就得心應手.

在中國人世界裡, 在生活應用語文上, 香港人是最能承傳了中國傳統文化, 因為煲冬瓜是滿洲大人的官話, 是外來發音, 用來朗頌唐詩宋詞, 就會失了一切歌詠的唱腔, 只有廣東話承傳了大部份由春秋, 秦漢到唐宋官腔的發音. 還有我們寫繁體字, 掌握字裡的文化根, 寫簡體字的人, 全都沒有了文化根的思維.

其實, 香港人是中國人中的天之驕子, 因為我遺傳著承傳中華文化的使命, 再用我們所熟識英語, 把我們的中華文化介紹給別人知道. 這個就當世上等貴族了, 所以我作為香港人, 作為過氣港燦, 我去到什麼地方旅遊, 雖然用著加國護照, 但我仍然跟人說, 我是由香港來的, 我要...... 在世人面前, 驕傲地展示著我作為香港中國人, 作為中華文化的承傳者, 作為最深層次龍的傳人, 作為當世上等貴族. 

所以, 大家不要氣餒, 就跟我一樣, 作為香港中國人而驕傲. 

PS: 今天加拿大日, 很多商店不開門, 但滿地可商店上的關門牌, 全是法文, 我行過商店門口, 見2個鬼妹係度等開門, 就知道佢地唔識睇法文, 我就走埋去同佢地講, 哈哈哈, 所以, 中國人並不一定永遠處於弱勢的, 也不一定是弱勢社群吧!

2017年7月1日 星期六

我想去大6自由行喎, 要來問大家了.

大家, 我正打算去國內自由行喎, 就好似大家咁呢......

嗱嗱嗱嗱嗱..... 不過, 有很多事我JJ攪唔清楚喎, 想來問問大家呀!

1. 上網和手機 - 在國內上網或電話戶口是實名制, 照邏輯, 就應該係買咭時, 留下自己的回鄉咭號碼嗎? 大家不擔心自己的資料被盜用嗎? 還是有其他途徑留下個人資料?

2. 支付寶 - 大家是否在國內已經有銀行戶口, 可以用大6戶口來過數去支付寶? 還是可以用香港戶口來過數去支付寶? 唔知道我外國銀行咭是否一定要"銀聯"通用, 還是可以 CIRRUS / INTERAC / THE EXCHANGE 都得? 過數時, 是否預先過數一定數目? 還是每用一次支付寶, 就在銀行戶口內轉一次錢?

3. 打的網 - 是否有全國統一打的網嗎? 還是地區性的?


2017年6月30日 星期五

指模對比 與 圖像辨識

昨天講完果班有國外國藉的表叔表嬸, 將會被大6剝奪去他們未報消的國內戶藉. 

今天講佢地今天大鑊的原因 - 指模對比, 其實就係圖像辨識囉! 

圖像辨識其實用左係好多不同的地方, 例如: 大6每個路口, 地鐵入口, 都有攝影機, 最初的只係用來找某特定車牌, 後來卻可以用來找特定樣貌的目標. 

原來這種圖像辨識科技, 是一位外國定居的唐山大兄帶回大6, 聽說這大兄現在仍被花旗政府全球通輯, 被控偷運高科技出美國喎. 

不過, 現在大6的技術, 已經比數年前引入時, 不可同日而喻了, 由單一目標, 變成同時數十個目標, 甚至數百目標, 真係好堅咖. 

大6現在有著全球最快的超級電腦, 而且無論是設計, 到應用技術, 可能真係唔輸俾花旗. 

PS: 一件已經是2年前發生的案件了,  有犯在重慶某車站旁, 假冒召換私車, 把個女仔騙走並姦殺, 當時公安只憑車站旁的攝錄機, 辨識到車牌號碼, 再對比各個路段經過車輛的車牌號碼, 就知道個女仔條屍大約埋左係那一個高速出口的地區, 之後, 再在千里外的雲南緬甸邊境, 捉到個犯, 並押回埋屍地區, 旁拷側擊來在荒野地方, 找到女仔條屍. 以前大陸用人眼去找, 現在有了圖像辨識, 連百萬個指摸都對比到, 真係好堅咖.

2017年6月28日 星期三

原來大6係咁封死雙重國藉

除左港澳人仕外, 大6係唔容許國內同胞有雙重國藉的. 

不過, 以前執行上有點難度, 因為就算打洒外國護照入境班友D指模, 都攪唔清入境果個乜水, 就係某省某市某縣某鎮某村那個乜水嘛.

但係...... 現在佢地一定用超級電腦來做對比指模了,  就可以係乜水入境時, 打左佢指模後, 係佢出境之前, 就把佢外國護照號碼, 同佢國內戶藉聯上, 令阿乜水出境時, 被認出係某省某市某縣某鎮某村果個乜水, 就可以禁止佢出中國國境了, 就可以要佢先取消國內戶藉, 才俾佢出境了. 

嗱..... 我JJ估大6係咁做的, 先把那長時間沒有活動的戶藉集中在一起, 因為這些人一係死左, 一係人間蒸發左, 一係去左外國, 再揀出那些有出境紀錄的, 那就可以由14億人檔案, 減到千幾萬或幾百萬, 再在這些人中, 先分開指模的不同特徵, 分成好幾十種, 之後, 就把入境外國人的指模, 跟這些在檔案的指模對比......

不過,每天咁多人出出入入, 就算用超級電腦, 都不定有全部對比到, 一定有漏網之魚. 

已經有人講笑, 大家約埋一齊係某年某月某日, 一湧而入境大6, 看看大6的超級電腦有幾堅. 

PS: 其實, 這種指模對比手法,  對那些現在仍然在國內, 離開國內時, 扮成鴆袜同胞, 用港澳通行證的人, 入到香港才用外國護照的人, 是沒有用的. 不過, 就嚴重限制了這些人每次停留在香港,大6和外國的時間, 對這些人十分不利.


家陣真係唔豬道香港會有乜反應.

嘩哈哈, 聽講大6過多幾日有新政, 就係...... 任何國內D人有左外國國藉後, 又如果唔坦白從寬呢嗄, 佢地回中國再離開中國時, 如果被查出, 就會抗拒從嚴, 就會被禁止離境, 直到這位仁兄仁姐回去佢鄉下的派出所, 取消佢地戶藉和國藉為止. 

家陣我這裡大6人都人心惶惶, 因為有好多人真係有外國國藉, 而無坦白報俾中國政府知道, 其實不是為到就業, 因為外國人係中國申請工簽是很容易, 每半年離開中國再入境, 咁就得. 最主要係這班人 係大6仲有樓有股票有公司有房產, 就要用戶藉登紀嘛.

不過, 佢地可以攞張港澳通行紙嘛, 每次來回外國移民國時, 經香港出入中國, 就用張通行紙往來香港同大6, 香港來回外國果程, 就用外國護照囉. 

只是唔可以同日進出香港嘛, 咁會好易穿煲, 所以要係香港留幾日, 扮到好似其他來港"鴆袜"的同胞咁, 咁就神不豬鬼不覺了, 每日咁多來鴆袜同胞, 邊有人得閒一個個咁查呀. 

所以, 香港班舖佬店佬和生意做就開心, 但係反鴆袜大亂盟班人就可能頭頂冒煙了.


2017年6月27日 星期二

為何某些人只能是泛泛之交呢?

最近認識了一位在我這裡滿地可的女網友, 因為她由中國領館裡, 拿到些免費門票, 類似國內春晚的一些民餘表演, 就來找我去一起看. 

之後, 我當然不會咁衰仔, 請了她兩次食飯, 當然不會讓人家不快或不滿, 客客氣氣的跟人談天說地. 

男性如我, 人到我這個年紀, 就不太想同人拍拖, 但我真不知道女性了. 當她一知道我是半個上海人半個香港人, 就開始點批和標籤這2種人. 

其實, 這2種人都十分要面, 要爭做中國人中的第一嘛, 可能係咁, 就攪到其他中國人對這2種人不滿了. 

通常女性對男性有這種批評態度, 而不是遠離, 只有2種可能性, 一是可能那男極度樣衰, 又偏要係女性身邊累累貢, 博大霧, 二是可能那女性對那男性有特別感覺吧! 

對我來說, 可能更像第二個可能吧! 其實一直由年青到現在, 我交友, 不太看重對方的外貌, 主要看看對方能否跟我相處得好, 能否不用太大動作就能理解我的想法, 並且不會來誤會我. 

可惜, 這女網友一埋檯, 就好像同我唔妥咁, 第一說香港人現實, 第二說上海人會計算, 我心想, 就憑她的德性, 我仍然同她食左2餐飯, 不斷回佢短訊, 好言相向, 就已經說明她心中實在充滿偏見和誤解. 

前幾天, 佢終於俾番個安慰獎我, 她說, 這裡滿地可的中國男性很多心思不好, 不是追尋著數就是一夜情, 我是她在這裡少有遇見的好男人. 

不過, 怎樣也好, 她一開始就點評香港人上海人, 做個朋友已經是極限了, 不能再逾越這個層面, 一逾越朋友層面, 當她接觸我家人和我親戚, 又係咁樣點批香港人上海人, 那就不好了.

2017年6月26日 星期一

廉價大陸團風, 吹遍北美華人圈子.

有個朋友前幾天打電話來, 話佢報左660元加仔包機票包食包玩包"鴆沒"的7天北京遊行團. 佢可能上年去完華東7天團未夠皮了, 今年回去再嘆過. 

其實, 以前我係香港報團上去, 我都唔知幾唔鐘意俾人帶去"鴆沒", 真金白銀俾足團費後, 都仲係唔買野就唔放出來去景點; 我都唔知道點解我這朋友咁喜歡去, 可能佢要求低, 有玩有食有人帶住, 佢就開心. 

這朋友來同我咁講, 當然想找我陪佢一齊去, 貪我會煲煲冬瓜識體中文字, 佢仲想完左團之後, 自己四圍走勻大江南北. 嘩, 這樣咁高難度的事情, 我真係攪唔掂咖喎, 就算我係美加自己一個人能夠揸車去玩上一個月, 我咁樣的應變能力, 都唔敢係國內自己走來走去. 

最後, 我提議佢, 係深圳自己一個人四圍走下, 那裡的地鐵和公交都很安全, 這朋友立刻唔講收線, 你話佢幾現實呢? 

講真呀, 現在大6 用現錢都都未必打到的呀, 地鐵巴士的公交全都用儲值咭咖喎, 而且很多時一處鄉村一處例. 

不過, 又係真的, 660元加仔玩7天仲包埋機票, 我落去美國南部暖D的任何城市, 張機票都要600 加仔, 去夏威夷就更貴, 每天租車入油住宿, 點慳都要百5美金一天. 但我覺得, 咁樣爽過跟團去大陸喎, 這樣的大陸廉價團, 實在令人十分不舒服. 只但係, 買難受囉, 浪費寶貴時間之餘, 又達不到增廣見聞的作用.

2017年6月25日 星期日

人在下跌軌道中.

前幾日, 網友小T公子問了一個十分好的問題, 怎樣才知道來租我屋的人在上升軌道呢? P嗱嗱嗱, 老實講, 咁容易睇, 就唔洗咁多女仔揀錯老公啦! 

哈哈哈, 不過呢, 就..... 睇一個人是否在下跌軌道裡, 這個就十分容易了. 

實在太容易了 - 入不乎支! 入不乎支! 

舉個例, 有人來租我屋, 聲稱一邊打工一邊讀書, 做BARTENDER每天7小時, 底薪千六一個月(小費唔穩定, 唔計), 但稅後得番千二左右, 租+電+入油+食物+學費就無洒了. 只是佢欠債2萬(車按和咭數), 每月最低還款$550, 即是佢每月小費一定要有$550. P如果無每月$550小費, 佢一係無錢俾租, 一係自行扎砲捱飢抵餓, 一係佢斷供欠債等債主燒佢帳薄, 一係佢除左BARTENDER之外, 佢有個不可告人的收入來源, 事但一樣, 佢都可以成為問題租客, 就一定係係下跌軌道了. 

其實呢, 這個概念呀, 同女仔揀老公十分相似, 明明知道個男仔如果唔改改佢做人的觀念和態度, 就一定會沉下去嘛, 個女仔就唔好跟住個男仔癲埋一堆了.

嗱嗱嗱, 我JJ唔係講, 如果個男仔唔係咁, 就一定在上升軌道裡, 就一定嫁得過. 其實, 女仔決定嫁俾邊Q個, 男人決定娶乜水做老婆, 其實都係一項人生最大風險的事情, 比起我JJ投資買股票, 或走去買出租屋來收租, 風險就更大了. 

所以, 任何女仔如果聽完我咁講後, 都仲係婚姻不如意的話呢嗄, 咪來打我喎, 因為只能講到誰是在下跌軌道裡, 不能講到誰在上升軌道中嘛. 

PS: 所以呢, 真係唔明白點解D人結完婚後, 去投資時會咁細膽, 婚姻這家咁高風險的野, 佢地都兩脇插刀照上, 投資風險不比婚姻高呀, 佢地就懼首戄尾, 驚死蝕錢. 

有些人更寧願將D錢去買豪宅豪車, 一買入就唔見20%, 都唔肯去投資來錢生錢. 

哈哈哈, 我真係見到有人娶左大頭佛返來, 成日要佢買豪宅豪車, 就算佢點聰明有頭腦, 佢一生人就咁就蝕左了. 無法, 做人的態度和觀念, 決定了人的一生, D人唔改改佢錯誤的觀念和態度, 點叻都好, 都注定佢和佢身邊的人一世都.......

2017年6月24日 星期六

老董, 洗鬼你講咩?

最近老董又出來講野, 今次佢話, 2003年23條立唔到法, 阿爺開始對港燦起戒心. 

其實, 仲洗佢講咩, 任何一個有點頭腦的人, 由果時起, 都要開始醒目D啦. 

2004年後, 紅仔股票大舉來港上市, 當時大把人話D紅仔股票平, 一定起, 係咖, 又無講錯喎; 不過, 無情情咁大隻甲乸隨街跳, 就要知道人家咁做係有目的. 

當時, 我已經講左, 背後策畫這些事的人, 係高人, 唔好得罪這些人, 我地一眾港燦玩唔起咖. 

大家現在睇番返轉頭, 人家印D公仔紙出來, 換港幣, 來拼購港燦D企業, 直接參與港燦的經濟活動. 

人無遠慮必有近憂, 現在D港燦要港獨, 就要自己理好自己的事, 唔好又食又攞人著數, 咁多年來, 攞左咁多著數了, 上左癮咁, 戒都戒唔甩, 就唔該唔好口嗡嗡叫港獨啦, 就算人地唔抵制港燦閂水喉, 都俾人笑死啦. 

不過, 令到港燦攞著數, 攞到上左癮戒唔甩的人, 就係老董了, 佢任內的政策若果不是傾向溶合, 就係傾向靠阿爺, 當然普通港燦人人都哈哈咀笑, 唔洗捱生捱死就生活有著落, 但係聰明的港燦如我, 我已經估到佢乜乜葫蘆賣乜乜藥了. 家陣佢出來咁講野, 我反而覺得佢唔係咁講, 先至出奇呀!

2017年6月23日 星期五

係啦係啦, 一於同佢開拖.

嘿..... 當奴友一上台做總統, 就話要同我地D加燦講話, 以前簽落D自由貿易條款唔算數, 要再傾過喎, 頂佢個X呀. 我地一眾加燦多年來調節經濟和工業模式, 都只係為左遷就自由貿易條款姐, 現在又話要重頭再傾過, 即係玩野姐, 以後就唔可以再相信乜乜條款了, 話改就改, 我地D加燦唔係好無保障. 

身為加燦的我呢, 我一定支持我地靚仔總理同隻當奴友開拖咖喎. 係啦, 就快埋檯傾了, 一於先俾D下馬威佢地睇下, 唔好當地D加燦流咖喎. 首先, 企硬係乳製品產品, 一於唔俾佢地入口, 睇下佢地北方的大型農場可以頂到幾耐, 之後, 就係減少賣電賣水, 哈哈哈, 之後就係縮減我地D加燦落美國購物的免稅額, 再之後, 我仲未諗到, 遲D再講...... 

PS: 大家睇當奴友笑都衰衰格格咁, 十足似隻當奴鴨咁. 




2017年6月22日 星期四

租客苦瓜乾, 我就情緒低落了.

我JJ副業係做出租物業, 見盡人生百態, 也見盡人們的浮與沉. 

其實, 我自己十分希望見到D租客搬走時, 是滿滿的搬走, 可以升呢去買自己的物業, 有自己的一塊天地嘛. 

只是, 我見到的, 大多都是沉多, 浮起的反而少之又少. 

為到免了我繼續傷感下去, 我JJ決定在租客未搬入前, 要查家宅咁查佢地, 要佢地係有上升軌道的人, 才租俾佢地, 咁我就唔洗見到D租客苦埋塊面, 又唔洗令我情緒低落了. 

我情緒低落最大的原因, 並不是我父母開始年老, 而是見到D租客苦瓜乾咁樣的面口. 呵呵呵..... 

PS: 其實, 我JJ話將來開慈善廚房, 供應免費糊口食物俾人, 不過, 我情商真係可能會頂唔順咖喎, 日日見住D人咁慘慘, 我可能到時無哂我D創意和天份咖喎. 這個都係要諗清楚先好做呀.

2017年6月21日 星期三

才華天份值幾銀呢?

大家不要誤以為加國社會制度很公平, 誤以為有才華有天份就會有發圍機會. 其實係不一定的. 現在懷才不遇, 就打算走來加記碰機會, 這個不一定係好事.

我JJ副業做出租物業, 不單見到平常人見不到的人群, 而且更見到平常人見不到的深度, 因為人們來租我單位, 就要留下財政和信用資料.

不要以為做運動員係靠自己才華和天份, 其實一大部份係靠自己老豆和老母, 我有幾個租客係運動員, 年紀輕輕16/17歲, 原來一年教練費就2萬5加仔, 之後就係食宿和租金1萬5, 之後就係一年的輔助教育費5千(因為不能上學, 就要自己讀書來完成中學和預科) , 再加耐唔時回家的交通費, 又去左幾千, 一年無5萬開支都唔得咖. 這些人係由父母來簽租約的, 所以我知道佢地父母個個都年薪十幾萬, 才頂得順咁供個仔女來玩運動員這些人生方向咖. 

最梅的那個過氣冰球員租客, 初時以為佢以前做冰球員好好搵, 後來才發現佢只係打左2季正選, 而且仲只係一隊二流波隊樹打. 佢做教練本來有$150~250一個鐘咖, 只是佢中年發福後, 就無人搵佢做教練了. 唉..... 真陰公呢, 人到中年連教練都無人請佢了. 所以, 有個有錢父母, 好過自己有才華了.

2017年6月20日 星期二

失去未來的憧憬, 失去幸福感

上星期, 在我這裡同一城市的女筆友, 她同我講, 我們這些年紀的人, 還有將來嗎?

這個實在令我莫名其妙了, 為何人會沒有將來? 就算70-80歲如我父母, 他們都有將來呀, 我這年紀的人, 不應因為每天工作太攰, 就沒有將來, 因為將來就是今天的動力嘛, 人到了沒有將來的感覺, 可能就有點問題了.  

我這筆友的母親剛去世,她老公失業多時, 現在留在國內, 來辦她母親的遺產, 只是母親留下的一環樓, 卻在母親臨過世前, 改寫給了她姐姐的名下, 相信她現在面對不少問題了. 

人失去了將來的幸福感, 在我這裡的中國人中間, 是十分常見的.


2017年6月19日 星期一

我這裡中國人圈子- 較貧窮的原因.

很多人不知道, 中國國內D移民, 移民去的地方, 都很有地域性的, 上海/廣州/深圳較富裕的人, 就大多會去較暖和的地方, 如溫哥華/加州等地; 而我這裡因為天氣冷, 冬天日子較長, 就吸引不到富裕國內移民來, 所以我這裡有很多中國人都是東北來的. 

講些關於東北的大數據: 
1. 在這幾年, 中國GDP增長需不高, 但也有6-7%, 但是東北卻是年年負數; 
2. 東北是國內這般多地區中, 最遲改革開放的那一批地區, 最遲放棄計劃經濟的; 
3. 東北現在連連勞動人口和年青人口下跌. 
4. 我這裡的貧窮區原本沒有中國人住的, 但現在卻多了很多中國人住, 

其實, 一方水土養一方人, 鄧小平改革開放時, 阻力最大的就是這些最遲推行改革開放的地區. 1945年後國共內戰, 共軍由東北開始打, 打低國民黨, 打下天下江山, 靠的就是東北兵源, 當時這班人很勇猛的, 唔識死. 

跟這些東北人相處, 男的大多都很有義氣, 女的大多都很大氣, 如果喜歡我, 可以跟我稱兄道弟了, 無話不談. 只是, 我不喝酒, 每次跟東北人相處時, 每遇到他們飲酒, 我飲酒好像飲藥水咁, 要拿個茶匙出來度度佢先嘛. 

他們洗錢也是很豪氣的, 但不是來到加國後可以繼續錢生錢, 有些人一到經濟枯竭時, 就算香港人, 人生和想法都不會不向壞方向去傾嘛. 這些人在加國住上10年20年後, 人心靈裡的想法, 就會變得很負面, 人的質素就會變得沒有將來似的. 

我自己從不會看不起別人, 大家都是平等的, 只是在加國這般冷的地方, 長期生活在貧窮線下, 人又真是會變得很負面. 大家看看我JJ, 生活比別人隱定, 生活在平均線上, 但冬天都有抑鬱症, 而其他人生活在貧窮線下, 抑鬱再加憂慮將來的人生, 人生和性情變得負面, 這個是常事呀.

2017年6月18日 星期日

不開心的原因.

前幾日, 講開個中醫師用拔罐和針炙, 來治療我膝蓋不暢順, 之後他說我肝火太盛. 其中使我傷心的原因, 並不單單是..... 我一向都好注重身體, 而我這生人仍有這些肝毛病; 還有, 個醫師問我, 夜晚做乜唔睏覺? 都唔知你攪D乜? 言下之意, 即是, 我係一個唔多撿點的人, 又或係一個濫交的人. 

其實我一向都好守規舉的, 做人唔會亂來, 更不會有夜生活, 去酒吧或娛樂場所, 更加唔係我的習慣了. 個醫師最後都講, 可能我係果種十分特別人的, 天生出來就肝火大盛, 但會影響日後健康和壽命. 

這個令我想起教會裡的一些人, 真不明白一見到我, 又係咁諗我. 乜原來我個樣似那種交的人咩? 其實, 除了那醫師見到我拔罐後的鮮紅色印外, 其他人一見到我個樣子, 怎會認為我係個交的人呢? 其中最大的可能, 卻是這些人曾經接觸過某些交的人囉, 更可能這些人心裡一直在意這類交的人吧! 

我自己卻不是那種交的人, 心思裡沒有這樣想, 就不會那樣去做, 就不會明白這類人之間譗訕的關節, 之後就不會作出相應的表態和動作.

PS: 其實, 我一直相信, 人天生下來, 一切都是中性, 沒有善或惡之分, 只是人的傲慢與偏見, 製造出人世間一切禍患和悲劇. 是人的原罪, 是人妄要無知地去分正與對吧!

有時, 我在想著, 如果我不是一世人單身著, 我會否現在肝會有這種問題發生? 又或, 如果我不是自細去教會信耶穌, 我長大後, 會否是一個濫交的人吧!

2017年6月17日 星期六

我這裡中國人圈子...... 好多人離異.....

以前還未有大6移民時, 香港移民圈子中, 離異是很平常, 很多夫妻分開了居住後一段時間, 就再找不到對方了, 之後, 就收到對方的離婚協議書. 

為何這些夫妻要分開居住? 工作啦, 在不同城市工作嘛, 這個就是逐水草而居, 跟住份工去打工嘛, 夫妻兩份唔同的工作, 分開兩地太耐了, 就感情生變, 又或自己一個人住得太耐, 習慣左一個人, 就唔想再多個人係自己身邊. 更有些人係因為家庭經濟差了, 夫妻對開支和使用得不到共識, 就攪離婚了. 

現在大6移民的家底比以前香港移民薄, 所以, 移民之後的家庭問題就更多, 離異的比率就更大. 

其實, 人家的家事, 我JJ理來做乜呀? 人家夫妻唔關我事嘛! 只是這些離婚的人, 卻引起這裡中國人圈子很大問題. 

首先這些人離婚後生活更不容易, 又有子女要照顧, 就想再結婚, 但那會找到比前度更好的? 只有更差, 甚至是最差! 

久而久之, 這些人的在這些氛圍下, 人生和性情就會更差, 做人處事就更差下去! 

我以前還有心情去識新朋友, 但一見到這些人的質素, 就不會再想了. 如果不是來為子女找便宜老豆, 就是來騙飲騙食, 貪人家小便宜. 

不過, 這個衍生更大問題, 就是這些人會為到小小便宜或一時性起而來濫交, 當然在這情況下, 這些人的精神創傷更大更嚴重, 而我已經不是第一次被人誤會為濫交的人了. 所以, 我現在每有朋友搬離這裡, 我就少一個朋友了, 很傷心呢!

2017年6月16日 星期五

我這裡中國人圈子...... 將來不堪設想.....

其實, 以前在未有中國移民時, 中國人圈子中, 大多都係香港移民時, 我都唔覺得那時中國人圈子有乜咁好境, 那時大部份香港移民做的生意, 都係蝕錢的生意, 而又好辛苦咁守住盤生意, 每天開舖收舖, 困身到死, 因而無得轉型或進修. 

之後一到97後, 很多香港移民個個都回流返去了, 剩下的人都唔再做生意, 個個賣左盤生意, 留在家中等65歲, 食加記政府的老人金. 

現在來的大6移民, 資本比以前香港移民更少, 做的生意比以前香港移民的更細, 但一樣係蝕錢, 而且就更困身, 更沒有進修和轉型的機會. 

但是, 現在來的大6移民, 入左加記藉後, 就再沒有了大6個戶藉和國藉, 就再不能像香港移民咁, 回流原居地. 

真不敢想像, 將來我這裡的中國人圈子會變成點樣? 以前香港移民都已經唔多好, 大把人欠債走佬, 大把人移民來時身有剩錢而回流時2手空空, 不過, 都還可以回流回香港食綜援, 到65歲再回來食加國老人金; 但現在大6移民錢更少, 家底更薄, 語言技巧更低, 但又不能回流, 這樣下去, 情況就比以前香港移民更差, 更令人不堪設想. 

PS: 我最壞的打算, 我將來退休和父母不在後, 聯同其他義工開間慈善廚房, 每天供應糊口熱湯麵包, 給一些有需要的同胞們, 唉...... 我真不知道將來我可以做些什麼了, 好似好灰咁呀.

2017年6月15日 星期四

噢..... 今天美國加息了

雖然不多, 1/4厘之嘛, 小事一件呀, 但係呢, 風向轉左了, 唔再講明俾人聽, 低息低到你唔信嘛! 現在係話明俾你聽, 息口會慢慢升番到合理的水位. 嗱,...... 問題就係呢度啦, 乜野係息口合理水位先? 同埋用乜速度升去合理水位先? 照現在人人借下滿手欠單來看, 息口合理水位就應該係0%嘛! 不過, 理在已經講明息口唔會係零, 因為現在個講法係美國聯儲局欠下大筆錢, 不能長久擔起息口0%這個水位嘛, 所以現在的合理水位, 係睇聯儲局再頂唔頂得順來講喎. 

如果無大鑊事發生, 例如朝鮮肥仔恩同美國開火, 又或南海擦槍走火, 美國聯儲局係唔需要急於太快升番D息佢咖. 所以美國升息個速度係可以好慢好慢咖. 最緊要美國經濟增長理想, 就唔會有人問佢還錢而要快快加息了. 

所以, 現在我地要問的問題, 聯儲局要加到幾多息才可以用新債來蓋舊債, 還可以中間濕濕隻腳, 賺番D行政費, 來出糧俾班經理學大爺和佢地班靚. 咁..... 這個又唔係要好多錢姐, 每年廿卅億都夠LU掛. 這個又唔係好難姐. 

我JJ認為呢, 美國加息只是形態做勢, 不是有心加到全世界都愁雲苦面嘛. 美國班大爺其實同老鄧好似, 而同毛主席就岩岩相反, 美國大爺要做個勢出來係歌舞昇平, 馬照跑舞照跳, 唔會好似毛主席咁, 連人地著件靚D的衫出街, 都被指為資本主義自由化. 

所以, 佢地加完今日這次後, 可能佢地會試試水位先再諗加唔加, 對大家而言囉喎, 都係我一直講開果句, 有錢要留個多餘錢, 唔好借到盡, 又唔好攞間屋的按揭來加, 來做提款機, 盡量快快還清欠款, 那就天天睏得安樂了......

2017年6月14日 星期三

人生都係隨緣吧!

唉..... 我身子一向都好好, 頂多都係好似其他中年人咁, 有時有背痛和頸痛囉. 我就每年這個春夏交替的時候, 去做一次拔罐和針炙, 可以清走D濕氣佢. 

今年係第三年去, 個老醫師又記得我, 佢今次就同我講, 我次次來, 拔完罐後都好深色, 比平常人深色好多, 而且不是一次係咁. 我都知道的, 因為深色到好深色, 所以我十分注意小心身體. 今次個醫師見少人無咁忙, 就同我診斷一下, 問我是否夜生活多, 少飲水, 少食菜. 

大家都知道啦, 我JJ唔夜生活咖喎, 又係無菜不歡, 每天飲7-8杯水, 而且我仲係少糖少鹽少炸少煎不煙不酒的人仕.

最後個醫師話, 我這樣長久火旺下去, 必定會燒傷到我的肝. 

嗚嗚嗚, 我聽到醫師咁講之後, 我好傷心, 因為我細時是十分容易發燒, 十分容易過敏, 我一直好努力地生活在一個健康的生活習慣裡, 而且更是清心寡慾, 但是到頭來, 我仍然都係有咁樣的人生問題. 

真係羡慕其他人, 又煙又酒又啤啤佢, 又走去有好多好多女朋友, 夜夜笙歌. 

哈.... 做人都係算了, 我也不會再改變自己的人生軌道了, 仍然過著少糖少鹽少炸少煎不煙不酒的生活, 仍然清心寡慾算了.

可能我能健康地去生活了這般多年, 已經賺了很多年了, 上天其實都對我不薄的, 最少, 我要憂柴憂米的日子, 可能頂多1-2年, 其他的時候, 我人生都十分暢順無險阻的.

2017年6月13日 星期二

走甜與味覺

我發現一事呢, 現代人食得太多糖了, 令到味覺退化了. 

簡單的一事, 我去唐人街茶餐廳, 飲檸茶一向都走糖, 而且我還督督督督到幾塊檸檬爛哂咖, 慌死佢地唔出味, 之後果碟叉燒燒肉飯就會感到好好好咸喎. 

咁..... 昨天我去問同是食叉燒燒肉飯的人, 佢地話唔係好咸, 味道適中, 我終於理解到一件事, 飲完甜味的飲品, 就會令到味覺退化, 就要食到好濃味的東西, 才感到好味道; 相反, 飲完無糖檸檬茶後, 味覺敏銳左, 就算食條清水煮的清菜, 都會感到甜味.

PS: 上星期六, 我又入去唐人街茶餐廳, 飲走甜檸茶和食瘦叉燒燒肉飯, 跟住就有對西人老夫婦入來, 之後佢地又係叫左2碟叉燒燒肉飯. 哈哈哈, 希望佢地唔好失望啦, 我JJ不時去唐人街食叉燒燒肉飯, 主要係因為, 我耐唔時要食些唐人街的食物, 如果唔係, 一返到香港第一餐就會唔適應, 有點好似水土不服.

2017年6月12日 星期一

甜與苦

我讀大學時, 住的宿舍有廚房煮食, 為到省時間, 就跟幾個宿友夾食, 大家夾錢來買食物, 之後就輪流煮食. 

只是, 我一向食得十分清淡, 當然就落了很多青菜. 奇怪事就發生在青菜上, 有夾食宿友說我煮的青菜味道苦而難入口, 但我明明食到是甜的. 

哈哈哈, 人生就是這樣, 味覺決定了飲食習慣, 而觀念和態度就決定了人生取向. 

我食到甜的, 而那人食到苦, 注定那人是個食肉獸, 注定我身體健康一直好下去. 

而觀念...... 和做人態度..... 不覺得現實際遇是個苦厄, 反覺得是美好, 那就注定我天天笑口常開了. 

所以, 苦厄來時, 要問問自己, 是否錯在自己身上? 還是, 自己天天在抱怨, 而忽視了身邊一切美好事物?

PS: 有時, 我在想, 我冬天時情低落, 可能比起很多人, 都已經是十分輕微. 如果我像其他人般食青菜食到苦味, 而不是現在食到甜味,  可能我情緒低落會是十分嚴重. 冬天時, 只需一粒糖, 就可以令我的情緒低落唔見哂了.

2017年6月11日 星期日

心存善念, 神必祝福著.

我有個特點, 就係.... 我入去唐人街D舖頭後, 就會有西人跟住入去. 其中原因, 大多都是這些西人唔知道店裡頭岩唔岩佢地, 但見到我這些跟西人沒有分別的中國人, 仲係駟駟正正的那種人入去, 他們才有信心入去試下.

上星期, 我轉去唐人街一間有D笠UP的飛髮舖度飛髮, 笠UP的意思, 不單裝修笠UP, 國內同胞開, 仲同大多數國內街市裡的飛髮舖一樣咁款, 我十足回到國內做NOW鬆佬咁, 哈哈哈..... 

無他的, 我喜歡這些國內飛髮佬淳樸厚道, 做事實際無花巧, 用心飛好個頭, 跟人和氣相處, 我覺得很舒服, 咁就得啦. 

今次跟住我入去的西人, 係個好年青年青的鬼妹, 哈哈哈, 個飛髮佬初時好愕然, 因為平時只有唐人阿伯去佢度飛髮, 現在不單我成個西人咁款入去, 仲有個好後生的鬼妹跟住我入去. 

個飛髮佬可能以為我同個鬼妹同埋一齊, 見到我有好多白頭髮, 而個鬼妹咁後生, 就同我推廣佢地D染髮, 等我看上去年輕一點,
襯個鬼妹多一D.


就算我還係30歲時, 我都唔會同D十幾廿歲女仔拍拖, 現在過了多年, 就更加不會了. 我就笑著回答佢: "人就是這樣的, 總要順其自然". 

其實, 染髮係呃人又呃自己囉, 令我想起, 以前香港D中年男人上去大6娶個後生女咁, 辜負人家下半世人, 到頭來這些大6 女性來香港後, 這些中年男人和大6女人, 他們的人生都不快樂.

所以, 人生呢, 第一, 不要強求; 第二, 順其自然; 第三, 原諒已過去的一切人事, 現在不要找借口來作惡; 第四, 心存善念而天使必護佑著.